কাঠমাণ্ডু, ০৫ এপ্ৰিল (হি.স.)। প্ৰাক্তন প্ৰধানমন্ত্ৰী ৰবি লামিচানেক যোৱা নিশা কাঠমাণ্ডুৰ বাসগৃহৰ পৰা গ্ৰেপ্তাৰ কৰি আজি পুৱা বিমানযোগে ভৈৰহাৱালৈ লৈ যোৱা হয় । সমবায় জালিয়াতিৰ গোচৰৰ অভিযুক্ত ৰবি লামিচানেক উচ্চ ন্যায়ালয়ে জামিন বাতিল কৰাৰ পিছতে গ্ৰেপ্তাৰ কৰে।
শুকুৰবাৰে মাজনিশা বাসগৃহৰ পৰা গ্ৰেপ্তাৰ হোৱা ৰবি লমিচানেক শনিবাৰে পুৱা বিমানেৰে ভৈৰহাৱালৈ লৈ যোৱা হয়। বহু কোটি টকীয়া সমবায় কেলেংকাৰীত জামিনত বাহিৰ হৈ থকা প্ৰাক্তন প্ৰধানমন্ত্ৰী ৰবি লামিছানেৰ জামিন আবেদন শুকুৰবাৰে উচ্চ ন্যায়ালয়ে নাকচ কৰে। উচ্চ ন্যায়ালয়ে তেওঁক গ্ৰেপ্তাৰ কৰাৰ নিৰ্দেশ দি ন্যায়িক জিম্মালৈ প্ৰেৰণ কৰিছিল।
কাঠমাণ্ডু আৰক্ষীৰ অধীক্ষক এপেল বহৰাই কয় যে আদালতৰ নিৰ্দেশৰ পিছতে প্ৰাক্তন প্ৰধানমন্ত্ৰী ৰবি লামিচানেক তেওঁৰ বাসগৃহৰ পৰা গ্ৰেপ্তাৰ কৰি ভৈৰহাৱা আৰক্ষীক গতাই দিয়ে। আনহাতে, ভৈৰহাৱা আৰক্ষীৰ অধীক্ষক সোমেন্দ্ৰ সিং ৰাথোৰে কয় যে শনিবাৰ আৰু দেওবাৰে আদালত বন্ধ হৈ থকাৰ বাবে সোমবাৰে ৰবি লামিচানেক আদালতত হাজিৰ কৰা হ’ব আৰু আদালতত হাজিৰ হোৱাৰ পিছত তেওঁক ন্যায়িক জিম্মালৈ প্ৰেৰণ কৰা হ’ব।
উল্লেখযোগ্য যে নেপালৰ পাঁচখন জিলাৰ সমবায় বেংকত জালিয়াতিৰ গোচৰ চলি আছে ৰবি লমিছানেৰ বিৰুদ্ধে।
हिन्दुस्थान समाचार / মনোজ কুমাৰ শইকীয়া
