কলম্বো, ০৫ এপ্ৰিল (হি.স.)। শ্ৰীলংকাৰ ৰাজধানী কলম্বোৰ ঐতিহাসিক ফ্ৰিডম স্কোৱাৰত আজি ভাৰতৰ প্ৰধানমন্ত্ৰী নৰেন্দ্ৰ মোডীক অভূতপূৰ্ব আনুষ্ঠানিক আদৰণি জনোৱা হয়। শ্ৰীলংকাত আন এখন দেশৰ নেতাক এনেদৰে সম্ভৱতঃ প্ৰথমবাৰৰ বাবে সম্বৰ্ধনা জনোৱা হৈছে। ফ্ৰিডম স্কোৱাৰত শ্ৰীলংকাৰ ৰাষ্ট্ৰপতি অনুৰা কুমাৰ দিছানায়াকে প্ৰধানমন্ত্ৰী মোডীক ভৱ্য আদৰণি জনায়।
এই তথ্য শ্ৰীলংকাৰ সিংহলী ভাষাৰ কাকত ‘দিভাইনা’ৰ বাতৰিত দিয়া হৈছিল। কালি তিনিদিনীয়া ভ্ৰমণসূচীৰে (৪ এপ্ৰিলৰ পৰা ৬ এপ্ৰিললৈ) শ্ৰীলংকাত উপস্থিত হয় প্ৰধানমন্ত্ৰী মোডী। তেওঁৰ এই ভ্ৰমণৰ উদ্দেশ্য হৈছে দক্ষিণৰ চুবুৰীয়া ৰাষ্ট্ৰৰ সৈতে অৰ্থনৈতিক আৰু কৌশলগত সম্পৰ্ক শক্তিশালী কৰা। কাইলৈ অনুৰাধাপুৰাত প্ৰধানমন্ত্ৰী মোদীয়ে ভগৱান জয়া শ্ৰীমহাবোক পূজা কৰিব। ভাৰতৰ প্ৰধানমন্ত্ৰীৰ সৈতে বৈদেশিক মন্ত্ৰী এছ. জয়শংকৰকে ধৰি এক উচ্চ পৰ্যায়ৰ প্ৰতিনিধি দলো আহিছে।
আদৰণি অনুষ্ঠানৰ অন্তত ৰাষ্ট্ৰপতি সচিবালয়ত উপস্থিত হয় প্ৰধানমন্ত্ৰী মোডী। তেওঁ ৰাষ্ট্ৰপতি অনুৰা কুমাৰ দিছানায়কেৰ সৈতে দ্বিপাক্ষিক বৈঠকত মিলিত হৈছে। প্ৰধানমন্ত্ৰী মোদীয়ে শ্ৰীলংকাৰ ৫০০০ ধৰ্মীয় স্থানৰ চাদত সৌৰ পেনেল স্থাপনৰ প্ৰকল্পটো অনলাইনযোগে উদ্বোধন কৰিব। ইয়াৰ উপৰিও অনুৰাধাপুৰাত ভগৱান শ্ৰীমহাবোৰ দৰ্শন কৰিব। ভাৰতৰ অনুদানেৰে স্থাপন কৰা মহাৱা-অনুৰাধাপুৰা ৰেলৱে চিগনেলিং চিষ্টেম আৰু উন্নীতকৃত মহাৱা-ওমন্ত ৰেলৱে লাইন আনুষ্ঠানিকভাৱে উদ্বোধন কৰিব। ০৬ এপ্ৰিলৰ বিয়লি তেওঁৰ যাত্ৰা সম্পূৰ্ণ হ’ব।
हिन्दुस्थान समाचार / মনোজ কুমাৰ শইকীয়া
