ৱাশ্বিংটন, ০৫ এপ্ৰিল (হি.স.)। নাবালিক তথা যুৱতীৰ ওপৰত যৌন নিৰ্যাতনৰ অভিযোগত ২০১৮ চনত শিৰোনামা দখল কৰা ৰোমান কেথলিক গীৰ্জাৰ ‘মূৰব্বী’ আমেৰিকান কাৰ্ডিনেল থিয়ডৰ ই মেককেৰিক ৯৪ বছৰ বয়সত মৃত্যুবৰণ কৰে। অসৎ আচৰণৰ অভিযোগ উত্থাপন হোৱাৰ পূৰ্বে তেওঁ ৰোমান কেথলিক গীৰ্জাৰ অন্যতম উচ্চ পদবীত আছিল। তদন্তৰ অন্তত পোপ ফ্ৰান্সিছে তেওঁৰ উপাধি আৰু পুৰোহিতৰ পদ কাঢ়ি লৈ যায়।

নিউয়ৰ্ক টাইমছৰ বাতৰি অনুসৰি ৱাশ্বিংটনৰ প্ৰাক্তন আৰ্চবিশ্বপ তথা ৰোমান কেথলিক গীৰ্জাৰ সৰ্বোচ্চ আমেৰিকান প্ৰিলেট থিয়ডৰ ই মেককেৰিকৰ বিৰুদ্ধে নাবালক আৰু চেমিনাৰিয়ানসকলক যৌন নিৰ্যাতন চলোৱাৰ অভিযোগ উত্থাপন কৰা হৈছে। এই অভিযোগে ভেটিকান চহৰত হুলস্থুলৰ সৃষ্টি কৰিছিল।

পোপ ফ্ৰান্সিছৰ কঠোৰ পদক্ষেপৰ পিছত তেওঁ সাধাৰণ মানুহৰ দৰে জীৱন যাপন কৰিবলৈ আৰম্ভ কৰে।

ৱাশ্বিংটনৰ আৰ্চবিশ্বপ কাৰ্ডিনেল ৰবাৰ্ট ডব্লিউ মেকএলৰয়ে এক বিবৃতিত তেওঁৰ মৃত্যু নিশ্চিত কৰে যদিও আন কোনো সবিশেষ নিদিলে। ভেটিকানৰ বিবৃতিত কোৱা হৈছে যে বৃহস্পতিবাৰে মিছৌৰীত তেওঁৰ মৃত্যু হয়।

মেককেৰকৰ বিৰুদ্ধে উত্থাপিত অভিযোগৰ ফলত ভেটিকানে গীৰ্জাৰ যৌন নিৰ্যাতনৰ সংকটৰ সৈতে মোকাবিলা কৰিবলৈ কেইবাটাও নীতি গঠন কৰে। তদন্তত প্ৰকাশ পাইছে যে ১৯৭১ আৰু ১৯৭২ চনত তেওঁ এগৰাকী কিশোৰীক নিৰ্যাতন চলাইছিল। তেতিয়া তেওঁ নিউয়ৰ্কৰ এজন মনচিগনাৰ আছিল। আনকি তেওঁৰ আগতেও হাজাৰ হাজাৰ পাদুৰীৰ বিৰুদ্ধে নিৰ্যাতনৰ অভিযোগ উত্থাপন হৈছিল আৰু গীৰ্জাই ভুক্তভোগীসকলক নিষ্পত্তি হিচাপে লাখ লাখ ডলাৰ দিছিল। এনে ঘটনা ফাদিল হোৱাৰ বাবেই ২০১২ চনত বষ্টনৰ আৰ্চবিশ্বপ আৰু আমেৰিকাৰ জ্যেষ্ঠ প্ৰিলেট কাৰ্ডিনেল বাৰ্নাৰ্ড এফ. ল’ৱে পদত্যাগ কৰে।

---------------

হিন্দুস্থান সমাচাৰ / মনোজ কুমাৰ শইকীয়া