যোৱা কেইবছৰমানৰ পৰা বহু দেশপ্ৰেমমূলক চিনেমা মুক্তি পাইছে। কৰণ সিং ত্যাগীৰ দ্বাৰা পৰিচালিত তেনে এখন ছবিয়ে শীঘ্ৰে দৰ্শকৰ মাজলৈ যাবলৈ ওলাইছে। এই ছবিখনৰ নাম 'কেছাৰী-২'। এই ছবিখনে যোৱা কেইদিনমানৰ পৰা হিন্দী চলচ্চিত্ৰ জগতত চৰ্চাৰ বিষয় হৈ পৰিছে। কেছাৰী ২ ত মুখ্য চৰিত্ৰত অভিনয় কৰিছে অক্ষয় কুমাৰ, আৰ মাধৱন আৰু অনন্যা পাণ্ডেই। ‘কেছাৰী-২’ ছবিখনত অক্ষয় কুমাৰক দেখা যাব ব্ৰিটিছ যুগৰ বিখ্যাত ভাৰতীয় অধিবক্তা ছাৰ চি এছ নায়াৰৰ চৰিত্ৰত। শেহতীয়াকৈ মুক্তি লাভ কৰিছে এই ছবিখনৰ ট্ৰেইলাৰ।
‘কেছাৰী-২’ ছবিখনৰ ট্ৰেইলাৰ আৰম্ভ হৈছে জালিয়ানৱালা বাগ হত্যাকাণ্ডৰ আদালতৰ শুনানি আৰু ইয়াৰ সৈতে জড়িত কাহিনীৰ পৰা। ইয়াৰ পিছত ট্ৰেইলাৰত দেখা যায় বহু হৃদয় বিদাৰক দৃশ্য। এইখিনিতে ছবিত অক্ষয় কুমাৰৰ আচৰিত ভৱিষ্যদ্বাণী আহি পৰে। যোৱা কেইবাদিনো ছবিখনক লৈ দৰ্শক কৌতুহলী হৈ পৰিছিল। অৱশেষত টিজাৰ আৰু পোষ্টাৰৰ পিছত মুক্তি পালে বহু প্ৰত্যাশিত ছবি কেছাৰী-২ৰ ট্ৰেইলাৰ।
আনহাতে, ‘কেছাৰী-২’ ছবিখন জালিয়ানৱালা বাগ হত্যাকাণ্ডৰ কাহিনীৰ আধাৰত নিৰ্মিত। এই ছবিখনত বেৰিষ্টাৰ চিয়ে ১৯১৯ চনৰ হত্যাকাণ্ডৰ আঁৰৰ সত্য উন্মোচন কৰিবলৈ চেষ্টা কৰিছে।শংকৰন নাইৰৰ সংগ্ৰাম দেখুওৱা হ’ব। 'কেছাৰী-২' ছবিখন ধৰ্ম প্ৰডাকচনৰ প্ৰযোজনা। অহা ১৮ এপ্ৰিলত বিশ্বজুৰি মুক্তি পাব ছবিখন।
हिन्दुस्थान समाचार / মনোজ কুমাৰ শইকীয়া
