নুছৰত ভাৰুচাৰ বহু প্ৰত্যাশিত ছবি ‘চোৰী ২’ক লৈ দৰ্শকৰ মাজত প্ৰচণ্ড উত্তেজনা। এই ছবিখন ভয়ানক আৰু সামাজিক বিষয়ৰ মিশ্ৰণেৰে দৰ্শকক ভয় খুৱাই চিন্তা কৰিবলৈ বাধ্য কৰোৱা ২০২১ চনৰ ‘চোৰী’ৰ ছিকুৱেল। এতিয়া চাৰি বছৰৰ মূৰত ‘চোৰী-২’ই আন এক ভয়ংকৰ কাহিনী লৈ আহিছে। শেহতীয়াকৈ ছবিখনৰ পৰা নুছৰত ভাৰুচাৰ এক নতুন আভাস ওলাইছে, য’ত তেওঁক ভয় খোৱা আৰু অস্থিৰ হৈ পৰা দেখা গৈছে।
প্ৰথম খণ্ডৰ দৰেই ভয়ংকৰ আৰু চাচপেন্সফুল মুহূৰ্ত ছবিখনত দেখা যাব। টি-ছিৰিজে ছবিখনৰ অন্ধকাৰ আৰু তীব্ৰ বিষয়বস্তুৰ আভাস দি ‘চোৰী ২’ৰ পোষ্টাৰখন শ্বেয়াৰ কৰিছে। পোষ্টাৰখনৰ কেপচনত লিখা আছিল, এইবাৰ... ই অধিক আন্ধাৰ আৰু গভীৰ হৈ পৰিছে। অহা ৩ এপ্ৰিলত মুক্তি পাব ছবিখনৰ ট্ৰেইলাৰ, ইতিমধ্যে টিজাৰটো দৰ্শকৰ আগত মুকলি কৰা হৈছে আৰু ছবিখনে যথেষ্ট সঁহাৰি লাভ কৰিছে।
এই হৰৰ ফ্ৰেঞ্চাইজিত মুখ্য চৰিত্ৰত অভিনয় কৰা সাক্ষীৰ চৰিত্ৰত পুনৰ নুশৰত ভাৰুচ্চাক দেখা যাব। এইবাৰ ছবিখনত ছোহা আলী খানেও গুৰুত্বপূৰ্ণ চৰিত্ৰত অভিনয় কৰিছে। ১১ এপ্ৰিলত আমাজন প্ৰাইম ভিডিঅ'ত প্ৰিমিয়াৰ হ'ব 'চোৰী ২'।
हिन्दुस्थान समाचार / Monoj Kumar Saikia
