নতুন দিল্লী, ২১ এপ্ৰিল (হি.স.)। আজি বিশ্বৰ বজাৰসমূহৰ পৰা ভাৰতীয় বজাৰসমূহৰ বাবে মিশ্ৰিত সংকেত দিছে। গুড ফ্ৰাইডেৰ বন্ধৰ পূৰ্বে আমেৰিকাৰ বজাৰসমূহত হেঁচাত ব্যৱসায় হোৱা দেখা গৈছিল। বন্ধৰ দিন শেষ হোৱাৰ পিছত আজি ডাউ জ’নছৰ ফ্যুচাৰৰ ব্যৱসায়ো হ্ৰাস পোৱা দেখা গৈছে। আজি এছিয়াৰ বজাৰত মিশ্ৰিত ব্যৱসায় চলি আছে।
ছুটীৰ পূৰ্বৰ অধিবেশনত আমেৰিকাৰ বজাৰসমূহ দুৰ্বল হৈয়েই আছে। ৫০০ পইণ্টতকৈ অধিক হ্ৰাস পায় ডাউ জ’নছ। একেদৰে নাছডাকেও পূৰ্বৰ অধিবেশনৰ ব্যৱসায় ০.১৩ শতাংশ হ্ৰাস পাই ১৬,২৮৬.৪৫ পইণ্টত সমাপ্ত কৰে। অৱশ্যে এছ এণ্ড পি ৫০০ সূচকাংক ০.১৩ শতাংশ প্ৰান্তীয় বৃদ্ধিৰে ৫,২৮২.৭০ পইণ্টত বন্ধ হয়। বৰ্তমান ডাউ জ’নছ ফিউচাৰ্ছৰ মূল্য ২৮৫.৩৬ পইণ্ট অৰ্থাৎ ০.৭৩ শতাংশ হ্ৰাস পাই ৩৮,৮৫৬.৮৭ পইণ্টত ব্যৱসায় কৰা দেখা গৈছে।
আজি এছিয়াৰ বজাৰত মিশ্ৰিত ব্যৱসায় দেখা গৈছে। এছিয়াৰ ৯খন বজাৰৰ ভিতৰত ৫খন সূচকাংক হ্ৰাসৰ লগে লগে ৰঙা ৰঙত ব্যৱসায় কৰি আছে, আনহাতে ৩খন সূচকাংক সেউজীয়া ৰঙত শক্তিশালী হৈ আছে। হংকং ষ্টক এক্সচেঞ্জত ছুটীৰ বাবে আজি হাং চেং সূচকাংকত কোনো পৰিৱৰ্তন হোৱা নাই। বৰ্তমান গিফ্ট নিফটিয়ে ১১৪ পইণ্ট অৰ্থাৎ ০.৪৮ শতাংশ বৃদ্ধিৰে ২৩,৯১৯ পইণ্টৰ স্তৰত ব্যৱসায় কৰি আছে। একেদৰে ষ্ট্ৰেইটছ টাইমছ সূচকাংক ১.০৯ শতাংশ বৃদ্ধি পাই ৩৭৬০.৮৩ পইণ্টৰ স্তৰত উপনীত হয়। ইয়াৰ উপৰিও চাংহাই কম্পোজিট সূচকাংক ৩,২৮৬.৪৪ পইণ্টৰ স্তৰত ব্যৱসায় কৰা দেখা গৈছে আৰু ০.৩০ শতাংশ বৃদ্ধি পাইছে।
আনহাতে, ছেট কম্পোজিট সূচকাংক (SET Composite Index) ০.৫৪ শতাংশ দুৰ্বলতাৰে ১১৪৪.৭১ পইণ্টত ব্যৱসায় কৰি আছে। একেদৰে জাকাৰ্টা কম্পোজিট ইনডেক্স ০.২৮ শতাংশ হ্ৰাস পাই ৬,৪২০.৪৮ পইণ্টত উপনীত হয়। আজি টাইৱান ওজনযুক্ত সূচকাংকত বৃহৎ হ্ৰাস পঞ্জীয়ন কৰা হৈছে। বৰ্তমান এই সূচকাংক ১৯,১২৬.৭৭ পইণ্টৰ স্তৰত ব্যৱসায় কৰি আছে, যিটো ২৬৮.২৬ পইণ্ট অৰ্থাৎ ১.৩৮ শতাংশ হ্ৰাস পাইছে। একেদৰে নিকেই সূচকাংক ৪৩৭.৩১ পইণ্ট বা ১.২৬ শতাংশ হ্ৰাস পাই ৩৪,২৯২.৯৭ পইণ্টৰ স্তৰত উপনীত হয়। ইয়াৰ উপৰিও কস্পি সূচকাংক ০.০৮ শতাংশ সামান্য হ্ৰাস পাই ২,৪৮১.৫১ পইণ্টৰ স্তৰত ব্যৱসায় কৰি আছে ।
হিন্দুস্থান সমাচাৰ / মনোজ কুমাৰ শইকীয়া
