নতুন দিল্লী, ০৮ মে’ (হি.স.)। আজি বিশ্বৰ মূলধনী বজাৰৰ পৰা আহি আছে মিশ্ৰিত সংকেত। পূৰ্বৰ অধিবেশনৰ সময়ছোৱাত আমেৰিকাৰ বজাৰসমূহ লাভৰ সৈতে বন্ধ হৈছিল। আজি ডাউ জ’নছৰ ফ্যুচাৰৰ ব্যৱসায়ো অধিক হোৱা দেখা গৈছে। আনহাতে, পূৰ্বৰ অধিবেশনৰ সময়ছোৱাত ইউৰোপৰ বজাৰসমূহ হ্ৰাস পাইছে। একে সময়তে আজি এছিয়াৰ বজাৰসমূহত সাধাৰণ ক্ৰয়ৰ পৰিৱেশ বিৰাজ কৰিছে।
যোৱা অধিবেশনত আমেৰিকাৰ বজাৰসমূহত সাধাৰণতে ক্ৰয়ৰ পৰিৱেশ আছিল, যাৰ বাবে ৱাল ষ্ট্ৰীটৰ সূচকাংকসমূহ শক্তিশালীভাৱে বন্ধ হ’বলৈ সক্ষম হৈছিল। এছ এণ্ড পি ৫০০ সূচকাংক ০.৪৩ শতাংশ বৃদ্ধিৰে ৫,৬৩১.২৮ পইণ্টত বন্ধ হয়। একেদৰে নাছডাকে ০.২৭ শতাংশ জপিয়াই পূৰ্বৰ অধিবেশন ১৭,৭৩৮.১৬ পইণ্টত সমাপ্ত কৰে। ডাউ জ’নছ ফিউচাৰ্ছে আজি ২৪৬.০৫ পইণ্ট অৰ্থাৎ ০.৬০ শতাংশ জঁপিয়াই পৰাৰ পিছত ৪১,৩৬০.০২ পইণ্টৰ স্তৰত ব্যৱসায় কৰা দেখা গৈছে।
আমেৰিকাৰ বজাৰৰ বিপৰীতে যোৱা অধিবেশনৰ সময়ছোৱাত ইউৰোপৰ বজাৰসমূহত বিক্ৰীৰ হেঁচা আছিল। এফ টি এছ ই সূচকাংক ০.৪৫ শতাংশ হ্ৰাস পাই ৮,৫৫৯.৩৩ পইণ্টত বন্ধ হয়। একেদৰে চিএচি সূচকাংক ০.৯২ শতাংশ হ্ৰাস পাই পূৰ্বৰ অধিবেশন ৭,৬২৬.৮৪ পইণ্টত সমাপ্ত হয়। ইয়াৰ উপৰিও ডেক্স সূচকাংক ১৩৩.৬৯ পইণ্ট অৰ্থাৎ ০.৫৮ শতাংশ হ্ৰাস পাই ২৩,১১৫.৯৬ত বন্ধ হয়।
আজিৰ দিনত এছিয়াৰ বজাৰত সাধাৰণতে এক প্ৰবল ধাৰা দেখা গৈছে। এছিয়াৰ ৯খন বজাৰৰ ভিতৰত ৭খন সূচকাংকই সেউজীয়া ৰঙত শক্তিশালীভাৱে ব্যৱসায় কৰি আছে, আনহাতে ২খন সূচকাংক হ্ৰাসৰ সৈতে ৰঙা ৰঙত আছে। একেদৰে ছেট কম্পোজিট ইনডেক্স ০.৪৬ শতাংশ দুৰ্বলতাৰে ১২১৪.৬০ পইণ্টত ব্যৱসায় কৰে । একেদৰে জাকাৰ্টা কম্পোজিট ইনডেক্স ০.৫০ শতাংশ হ্ৰাস পাই ৬৮৯১.৪৮ পইণ্টত উপনীত হয়।
আনহাতে, গিফ্ট নিফটিয়ে ০.২২ শতাংশ বৃদ্ধিৰে ২৪,৪৭১.৫০ পইণ্টৰ স্তৰত ব্যৱসায় কৰি আছে। একেদৰে নিকেই সূচকাংকই ০.২৭ শতাংশ বৃদ্ধিৰে ৩৬,৮৭৯.৫৪ পইণ্টৰ স্তৰত উপনীত হৈছে। আজি হেং চেং সূচকাংকই ডাঙৰ জঁপিয়াই পৰিছে। বৰ্তমান এই সূচকাংক ২২,৯৪১.৯১ পইণ্টৰ স্তৰত ব্যৱসায় কৰা দেখা গৈছে, ২৫০.০৩ পইণ্ট অৰ্থাৎ ১.০৯ শতাংশ জপিয়াই পৰিছে। একেদৰে টাইৱান ৱেটেড সূচকাংকই ১৫০.৮৩ পইণ্ট অৰ্থাৎ ০.৭৩ শতাংশ বৃদ্ধিৰে ২০,৬৯৭.৩২ পইণ্টৰ স্তৰত উপনীত হৈছে। ইয়াৰ উপৰিও কস্পি সূচকাংক ০.৫৫ শতাংশ বৃদ্ধিৰে ২,৫৮৮.০৭ পইণ্টত, চাংহাই কম্পোজিট সূচকাংক ০.৩৮ শতাংশ বৃদ্ধিৰে ৩,৩৫৫.২৬ পইণ্টত আৰু ষ্ট্ৰেইটছ টাইমছ সূচকাংক ০.২০ শতাংশ জঁপিয়াই ৩,৮৭৩.০৫ পইণ্টত ব্যৱসায় কৰিছে।
हिन्दुस्थान समाचार / মনোজ কুমাৰ শইকীয়া
