শেহতীয়াকৈ ‘চিকন্দৰ’ ছবি খনৰ মুক্তিৰ পূৰ্বে ছলমান খানে নিজেই প্ৰকাশ কৰিছিল যে তেওঁক সঞ্জয় দত্তৰ সৈতে আন এখন ডাঙৰ একচন ছবিত দেখা যাব। এতিয়া এই ছবিখনৰ শিৰোনাম আৰু পৰিচালকৰ কথাও প্ৰকাশ পাইছে। ইতিমধ্যে ছবিখনক লৈ অনুৰাগীসকল অতিশয় উৎসাহিত হৈছে, কিয়নো তেওঁলোকে আকৌ এবাৰ ডাঙৰ পৰ্দাত ছলমান আৰু সঞ্জয়ৰ যুটি চাবলৈ সুযোগ পাব।
খবৰ অনুসৰি এই ছবিখনৰ জৰিয়তে এই ছবিখনৰ জৰিয়তে হিন্দী চিনেমাত পৰিচালক হিচাপে আত্মপ্ৰকাশ কৰিবলৈ ওলোৱা কৃষ্ণ আহিৰে পৰিচালনা কৰিছে। জুন বা জুলাই মাহৰ পৰা আৰম্ভ হ’ব ‘গংগা ৰাম’ৰ শ্বুটিং আৰু অহা বছৰ ডাঙৰ পৰ্দাত মুক্তি পাব ছবিখন। বিশেষ কথাটো হ’ল ছলমান খানে নিজেই এই ছবিখনত বিনিয়োগ কৰিছে, যাৰ ফলত এই ছবিখন তেওঁৰ বাবে আন এক গুৰুত্বপূৰ্ণ প্ৰজেক্ট হৈ পৰিছে। ইতিমধ্যে অনুৰাগীসকল ছবিখনক লৈ অতিশয় উৎসাহিত হৈ পৰিছে, কাৰণ বহুদিনৰ পিছত ছলমান আৰু সঞ্জয়ৰ যুটিক একেলগে ডাঙৰ পৰ্দাত চোৱাৰ সুযোগ আহিব।
ছলমান খান আৰু সঞ্জয় দত্তৰ অন স্ক্ৰীণ যুটিয়ে বহু ছবিত দৰ্শকে প্ৰিয় কৰি তুলিছে। ‘ৰেডি’, ‘ওম শান্তি ওম’, ‘য়ে হায় জলৱা’, ‘চল মেৰে ভাই’, ‘সাজন চলে সসুৰাল’ আদি ছবিত একেলগে অভিনয় কৰিছে। অৱশ্যে ২০১২ চনত মুক্তি পোৱা ‘ছন অৱ চৰ্দাৰ’ ছবিখনত সঞ্জয় দত্তক মুখ্য চৰিত্ৰত অভিনয় কৰি ছলমানে কেমিঅ’ চৰিত্ৰত অভিনয় কৰিছিল। তেতিয়াৰ পৰাই অনুৰাগী দুয়োজন তাৰকাক পুনৰ একেলগে ডাঙৰ পৰ্দাত দেখিবলৈ হতাশ হৈ পৰিছিল আৰু এতিয়া ‘গংগা ৰাম’ই এই অপেক্ষাৰ অন্ত পেলাবলৈ ওলাইছে। বাস্তৱ জীৱনতো ছলমান আৰু সঞ্জয়ৰ মাজত গভীৰ বন্ধুত্ব আছে, যিটো তেওঁলোকৰ অনুৰাগীৰ মাজত আলোচনাৰ বিষয় হৈয়েই আছে।
हिन्दुस्थान समाचार / মনোজ কুমাৰ শইকীয়া
