শিৱসাগৰ, ০২ এপ্ৰিল (হি.স.)। আজি পৰ্য্যন্ত সন্ধান নোলাল শিৱসাগৰ জিলাৰ ডিমৌৰ বীণা কোঁৱৰ দিহিঙ্গীয়াৰ l শিৱসাগৰ নগৰ উত্তাল কৰিলে শতাধিক মহিলাই। বিগত ১৪ মাৰ্চ তাৰিখে পৰিকল্পিত ভাবে স্বামী বসন্ত দিহিঙীয়াই হত্যা কৰিছিল বীণা কোঁৱৰ দিহিঙ্গীয়াক।
ডিমৌৰ পৰিৱৰ্তে শিৱসাগৰ নগৰ উত্তাল কৰিলে শতাধিক মহিলাই। আটকাধীন স্বামীয়ে আৰক্ষীৰ সন্মুখত পত্নী বীণা কোঁৱৰ দিহিঙ্গীয়াক হত্যা কৰি নদীত পেলাই দিয়া বুলি স্বীকাৰোত্তি প্ৰদান কৰিছিল । বীণা কোঁৱৰৰ সন্ধানত এছ ডি আৰ এফ আৰু এন ডি আৰ এফ বাহিনীয়ে অনুসন্ধান চলাইছিল বিশটা দিন পাৰ হোৱাৰ পাছতো মৃতদেহ উদ্ধাৰ কৰিবলৈ সক্ষম নহল। সমগ্ৰ ঘটনা ৰহস্যৰ আৱৰ্তত । শতাধিক মহিলাই ডিমৌ আৰক্ষী থানা ঘেৰাও কৰি দোষীৰ কঠোৰ শাস্তিৰ দাবীত উত্তাল প্ৰতিবাদ সাব্যস্ত কৰিছিল ।
বীণা কোঁৱৰ দিহিঙ্গীয়াৰ মৃতদেহ আজি পৰ্য্যন্ত উদ্ধাৰ কৰিবলৈ সক্ষম নোহোৱা শিৱসাগৰ জিলা আৰু আৰক্ষী প্ৰশাসনৰ বিৰুদ্ধে কৃষক মুক্তি সংগ্ৰাম সমিতিৰ প্ৰতিবাদী কাৰ্যসূচী । কৃষক মুক্তি সংগ্ৰাম সমিতিৰ নেতৃত্বত তিনি শতাধিক মহিলাই শিৱসাগৰ বৰ্ডিং খেলপথাৰৰ পৰা এক প্ৰতিবাদী সমদল বাহিৰ কৰি জিলা আয়ুক্তৰ কাৰ্য্যালয় ঘেৰাওঁ কৰিবলৈ আগবাঢ়ে যদিও আদবাটতে আৰক্ষীয়ে বাধা প্ৰদান কৰে । ৭ দিনৰ সময় সীমা বান্ধি দিলে প্ৰতিবাদকাৰীয়ে।
হিন্দুস্থান সমাচাৰ / নিৰ্মলেন্দু
