ৰাজ্য চলকাৰে এইবাৰ ৪০ লাখ টকা আগবঢ়াইছে মৈদাম সংৰক্ষণৰ প্ৰাৰম্ভিক কামৰ বাবে :মুখ্যমন্ত্ৰী
মুলাগাভৰু অসমৰ নাৰী সমাজৰ সৌয-বীৰ্যৰ প্ৰতীক, আমি উপযুক্তভাৱে এই মৈদামভাগ সংৰক্ষণৰ বাবে ব্যৱস্থা ল'ম– মুখ্যমন্ত্ৰী
বিশ্বনাথ, ০২ এপ্ৰিল (হি.স.)। চতিয়াৰ মুলাগাভৰু মৈডাম আজি পৰিদৰ্শন মুখ্যমন্ত্ৰী হিমন্ত বিশ্ব শৰ্মাৰ ৷ পুৱাই বিশ্বনাথ বিধান সভা সমষ্টিৰ অন্তৰ্গত চতিয়াৰ চলাহোলা গাৱৰ বীৰাংগনা মুলাগাভৰু মৈডাম ক্ষেত্ৰত উপস্থিত হয় মুখ্যমন্ত্ৰী গৰাকী ৷ উল্লেখযোগ্য যে ১৫৩২ চনত হোৱা ডিকৰাই মুখৰ ৰণত মোগলৰ সেনাপতি তুৰ্ব্বকৰ বিৰোদ্ধে যুজি দেশৰ হকে প্ৰাণ আহুতি দিছিল বিৰাংগনা মূলা গাভৰুয়ে আৰু মুলা গাভৰুৰ সমাধি ক্ষেত্র চতিয়াৰ চলাহোলাত এই স্থানতেই আছে বুলি বিশ্বাস কৰে অঞ্চলটোৰ ৰাইজে ।
মৃত্যুৰ পিছত বিৰাংগনা মুলা গাভৰুক চতিয়াৰ চলাহোলাত সমাধিস্থ কৰা হৈছিল বুলি অঞ্চলটোৰ ৰাইজে বিশ্বাস কৰে আৰু এই মুলাগাভৰুৰ মৈদাম ক্ষেত্রতেই আহোম জাতীয় মহা সভাই কেন্দ্রীয় ভাৱে অনুষ্ঠিত কৰি আহিছে আহোম সকলৰ পবিত্ৰ মেডাম যে ফি। ৰাজ্য চলকাৰে এইবাৰ ৪০ লাখ টকা আগবঢ়াইছে মৈদাম সংৰক্ষণৰ প্ৰাৰম্ভিক কামৰ বাবে আৰু মুলাগাভৰু অসমৰ নাৰী সমাজৰ সৌয-বীৰ্যৰ প্ৰতীক ৷ আমি উপযুক্তভাৱে এই মৈদামভাগ সংৰক্ষণৰ বাবে ব্যৱস্থা ল'ম বুলি মন্তব্য কৰে মূখ্যমন্ত্ৰী গৰাকীয়ে ৷ ইফালে পঞ্চায়ত নিৰ্বাচন সম্পৰ্কেও লগতে মন্তব্য কৰে মূখ্যমন্ত্ৰী গৰাকীয়ে ৷ মৈডাম ভাগ পৰিদৰ্শনৰ সময়ত মূখ্যমন্ত্ৰীৰ লগত উপস্থিত থাকে বিধায়ক প্ৰমোদ বৰঠাকুৰ আৰু বিধায়ক পদ্ম হাজৰিকা ৷
হিন্দুস্থান সমাচাৰ / কিশোৰ মিশ্ৰ