সফলতাৰে সম্পন্ন মাধৱদেৱ বিশ্ববিদ্যালয়ৰ প্ৰথম সমাৱৰ্তন
লখিমপুৰ, ০২ এপ্ৰিল (হি.স.)। লখিমপুৰৰ নাৰায়ণপুৰস্থিত মাধৱদেৱ বিশ্ববিদ্যালয়ৰ প্ৰথম সমাবৰ্তন অনুষ্ঠানটি আজি সফলতাৰে সম্পন্ন হয়। ৰাজ্যৰ ৰাজ্যপাল তথা বিশ্ববিদ্যালয় খনৰ আচাৰ্য লক্ষ্মণ প্ৰসাদ আচাৰ্যৰ সভাপতিত্বত অনুষ্ঠিত সমাবৰ্তনত স্নাতক আৰু স্নাতকোত্তৰ ডিগ
সফলতাৰে সম্পন্ন মাধৱদেৱ বিশ্ববিদ্যালয়ৰ প্ৰথম সমাৱৰ্তন


লখিমপুৰ, ০২ এপ্ৰিল (হি.স.)। লখিমপুৰৰ নাৰায়ণপুৰস্থিত মাধৱদেৱ বিশ্ববিদ্যালয়ৰ প্ৰথম সমাবৰ্তন অনুষ্ঠানটি আজি সফলতাৰে সম্পন্ন হয়। ৰাজ্যৰ ৰাজ্যপাল তথা বিশ্ববিদ্যালয় খনৰ আচাৰ্য লক্ষ্মণ প্ৰসাদ আচাৰ্যৰ সভাপতিত্বত অনুষ্ঠিত সমাবৰ্তনত স্নাতক আৰু স্নাতকোত্তৰ ডিগ্ৰী লাভ কৰা ৪৮৩ গৰাকী ছাত্ৰ ছাত্ৰীক ক আনুষ্ঠানিক ডিগ্ৰীৰ লগতে বিভিন্ন বিভাগত শ্ৰেষ্ঠত প্ৰদৰ্শন কৰা ছাত্ৰছাত্ৰী সকলকো সোনৰ পদক প্ৰদান কৰা হয় ৷

সমাবৰ্তনত এ আই চি টি ই (এ আই চি টি ই) ৰ প্ৰাক্তন প্ৰাধ্যাপক অনিল সহস্ৰবুধেয়ে মুখ্য অতিথি হিচাপে উপস্থিত থাকি ছাত্ৰ ছাত্ৰীক উদ্দেশ্যি গুৰুত্বপূৰ্ণ বক্তব্য প্ৰদান কৰে ৷ মাধৱদেৱ বিশ্ববিদ্যালয়ৰ উপাচাৰ্য ড° অৰুপজ্যোতি চৌধুৰী,পঞ্জীয়ক ড° ক্ষীৰপদ দত্ত,বিধায়ক ড° অমিয় কুমাৰ ভূঞাৰ লগতে বিশ্ববিদ্যালয়ৰ কাৰ্যনিৰ্বাহক পৰিষদ,শৈক্ষিক পৰিষদ,লখিমপুৰ জিলাৰ প্ৰশাসনিক মুৰব্বী আৰু স্থানীয় গণ্য মান্য ব্যক্তি সকল আজিৰ এই ঐতিহাসিক মুহূৰ্তৰ সাক্ষী হয় । মহাপুৰুষ শ্ৰী শ্ৰী মাধৱদেৱৰ জন্ম স্থানত গুৰু জনাৰ আদৰ্শৰ ভিত্তিত শিক্ষা প্ৰদান কৰি সমাজখনক আগুৱাই নিয়া মাধৱদেৱ বিশ্ববিদ্যালয়ৰ সমাবৰ্তনত অংশগ্ৰহণ কৰি ৰাজ্যপাল তথা আচাৰ্য গৰাকীয়ে সন্তোষ প্ৰকাশ কৰাৰ লগতে স্ত্ৰী শিক্ষাৰ প্ৰসাৰত বিশ্ববিদ্যালয় খনে উল্লেখযোগ্য ভুমিকা গ্ৰহণ কৰা বুলি মন্তব্য কৰে ।আনহাতে বিশ্ববিদ্যালয় খনৰ আজিৰ প্ৰথম সমাবৰ্তনত ডিগ্ৰী লাভ কৰি উৎফুল্লিত হৈ পৰে শিক্ষাৰ্থী সকল ৷ উল্লেখ্য যে বিশ্ববিদ্যালয় খনত অনুষ্ঠিত প্ৰথম সমাবৰ্তনে সকলোৰে দৃষ্টি আকৰ্ষণ কৰিবলৈ সক্ষম হয় ৷

হিন্দুস্থান সমাচাৰ / প্ৰকাশ ডেকা


 rajesh pande