বিকলাংগ আৰু বিধবা হিতাধিকাৰীৰ নাম কৰ্তনৰ অভিযোগ
বৰপেটা, ০২ এপ্ৰিল (হি.স.)। অসমত শাসনাধিষ্ট বিজেপি চৰকাৰে অসমৰ প্ৰতিখন গাওঁ পঞ্চায়তৰ এলেকাধীন বিধৱা মহিলা,বয়োজ্যেষ্ট আৰু বিকলাংগ ব্যক্তি সকলক বহুদিন ধৰি অৰুণোদয় আঁচনিৰ ধন দি আহিছিল। কিন্তু অতি পৰিতাপৰ বিষয় যে, ইতিমধ্যে চৰকাৰে পূৰ্বতে পোৱা সকলো অৰুণোদয় আঁচনিৰ হিতাধিকাৰী সকলৰ যাৱতীয় নথি-পত্ৰ পঞ্চায়তে পঞ্চায়তে জমা নিছে।
জানিব পৰা মতে ইতিমধ্যে এখন বাচনি কমিটি বনাই দিয়া হৈছে আৰু সেই বাচনি কমিটিয়ে ইতিপূৰ্বে অৰুণোদয় আঁচনি পোৱা যোগ্য ব্যক্তি সকলৰ বহুতৰে নাম কৰ্তন কৰিছে বুলি ভূক্তভোগী হিতাধিকাৰী সকলে অভিযোগ উত্থাপন কৰিছে। সেই উদ্দেশ্যে আগত ৰাখি আজি ৪০ নং জনতা গাওঁ পঞ্চায়তৰ অন্তৰ্গত বিভিন্ন গাঁৱৰ পৰা অৰুণোদয় আঁচনি পোৱা হিতাধিকাৰী সকলৰ মাজৰ পৰা যিসকল হিতাধিকাৰী বঞ্চিত হৈছে। সেই বঞ্চিত হিতাধিকিৰী সকলে আজি জনতা গাওঁ পঞ্চায়তৰ অন্তৰ্গত বালিকুৰি এন চি গাঁৱত এক প্ৰতিবাদী কাৰ্যসূচী ৰূপায়ন কৰে। অৰুণোদয় আচঁনিৰ নামত দুৰ্নীতি কৰা নচলিব, যোগ্য হিতাধিকৰীক বঞ্চিত কৰা নচলিব, অৰুণোদয় আমাক লাগিবই, অৰুণোদয় আঁচনিৰ বাচনি কমিটি হায় হায় বুলি তীব্ৰ ভাৱে প্ৰতিবাদ সাব্যস্ত কৰা পৰিলক্ষিত হয়। ইতিপূৰ্বে অৰুণোদয় আঁচনি পোৱা হিতাধিকাৰী সকলৰ পৰা যি সকলৰ নাম কৰ্তন কৰা হৈছে, সেই সকলৰ নাম পুনৰ তালিকাৰ অন্তৰ্ভুক্ত কৰি অৰুণোদয় আঁচনি দিয়াৰ বাবে অসমৰ প্ৰভাৱশালী মুখ্য মন্ত্ৰী ড০ হিমন্ত বিশ্ব শৰ্মাক কাতৰ আহ্বান জনায় বঞ্চিত হিতাধিকাৰী সকলে।
হিন্দুস্থান সমাচাৰ / কিশোৰ মিশ্ৰ