বাক্সা, ০২ এপ্ৰিল (হি.স.)। বিটিচিত নতুনকৈ আত্মপ্ৰকাশ এক বিশেষ ৰাজনৈতিক দলৰ। অল্টাৰনেটিভ পাৰ্টি অফ বড়োলেণ্ড নামেৰে নামাকৰণ নতুন ৰাজনৈতিক দলটো।প্ৰাক্তন এনডিএফবি ৰ পৃষ্ঠপোষকতাত জন্মলাভ কৰে এই বিশেষ ৰাজনৈতিক দলটো।মুলতঃ বড়োসকলৰ যি শান্তিচুক্তি সেয়া সঁচা অৰ্থত কাৰ্যকৰী নোহোৱাৰ ক্ষোভতেই এই ৰাজনৈতিক দলটো গঠন কৰা বুলি মন্তব্য দলটোৰ সভাপতি তথা মুখ্য পৃষ্ঠপোষক ড০ অঞ্জলি দৈমাৰীৰ।
সমাগত বিটিচি নিৰ্বাচনতো প্ৰতিদ্বন্দিতা আগবঢ়াব আজি আত্মপ্ৰকাশ কৰা ৰাজনৈতিক দলটোৱে।বিটিচিত যি চৰকাৰ চলি আছে তেওঁলোকে বড়োসকলক ন্যায় নিৰাপত্তা দিয়াৰ ক্ষেত্ৰত যেনেধৰণৰ সহায় সহযোগিতা আগবঢ়াব লাগিছিল সেয়া কাৰ্যতঃ ব্যৰ্থ হোৱা বুলি ক্ষোভ উজাৰে অঞ্জলি দৈমাৰীয়ে।ইফালে কাৰাবন্দী এনডিএফবি সকলৰ মুক্তিৰ বিষটোও এতিয়া চৰকাৰী পক্ষৰ বাবে গৌন বিষয় বুলি কটাক্ষ কৰে অল্টাৰনেটিভ পাৰ্টি অফ বড়োলেণ্ডৰ সভানেত্ৰী অঞ্জলি দৈমাৰীয়ে।আজি মুছলপুৰৰ বৰবড়ীস্থিত এনডিএফবি শিবিৰত অনুস্থিত হোৱা সভাত ৰাজনৈতিক দলটোৱে অঞ্জলি দৈমাৰীক সভানেত্ৰী প্ৰদীপ কুমাৰ ব্ৰহ্মক প্ৰশাসনিক সম্পাদক আৰু জগদীশ বসুমতাৰীক সাংগঠনিক সম্পাদক হিচাপে লৈ মুঠ ২১ জনীয়া এখন কমিটী গঠন কৰা হয়।
হিন্দুস্থান সমাচাৰ / কিশোৰ মিশ্ৰ