গুৱাহাটী, ১৬ এপ্ৰিল (হি.স.)। ব'হাগৰ দ্বিতীয়টো দিনত সোণাপুৰৰ চৰকাৰী বৃদ্ধাশ্ৰমত বিহুৰ লহৰ। পৰিয়াল তথা আত্মীয়স্বজনৰ পৰা আঁতৰত থকা ককা-আইতাসকলৰ মাজত ৰঙালীৰ সুবাস বিলাবলৈ আগবাঢ়ি আহিল ডিমৰীয়াৰ কেইবাটাও দল‌ সংগঠন।

বৃদ্ধাশ্ৰমৰ আৱাসী ককা-আইতাসকল যাতে ৰঙালীৰ আনন্দৰ পৰা বঞ্চিত নহয় তাৰ বাবে তেওঁলোকলৈ আগবঢ়োৱা হ'ল বিহুৱানৰ লগতে বিহুৰ জলপান। স্থানীয় দল সংগঠনৰ সদস্যসকলৰ এই প্ৰচেষ্টাত আনন্দিত বৃদ্ধাশ্ৰমৰ আৱাসী ককা-আইতাসকল। একেলগে জুৰিলে বিহুনাম , নাচিলে কঁকাল‌ ঘূৰাই। ইয়াকে লৈ বৃদ্ধাশ্ৰমখনৰ চৌহদত এক আনন্দমুখৰ পৰিৱেশৰ সৃষ্টি হয়।

হিন্দুস্থান সমাচাৰ / Narayan Kar