দীৰ্ঘদিন ধৰি ভাৰতীয় ক্ৰিকেট দলৰ প্ৰাক্তন অধিনায়ক দাদা নামেৰে সকলোৰে হৃদয়ত স্থান লাভ কৰা্ সৌৰভ গাংগুলীৰ বায়’পিকখন ডাঙৰ পৰ্দালৈ অনাৰ বিষয়ে চৰ্চা চলি আহিছে। এই ছবিখনৰ মুখ্য অভিনেতাগৰাকীক লৈ অহৰহ নতুন খবৰ ওলাই আহিছে। আয়ুষমান খুৰানাৰ সৈতে পূৰ্বে এই চৰিত্ৰটোৰ বাবে যোগাযোগ কৰা হৈছিল আৰু বাজ আছিল যে তেওঁ ছবিখন কৰিবলৈ সন্মত হৈছে। এতিয়া শেহতীয়া আপডেট হৈছে সৌৰভ গাংগুলীৰ বায়’পিকত মুখ্য চৰিত্ৰত অভিনয় কৰিবলৈ ৰাজকুমাৰ ৰাওৰ নাম চূড়ান্ত কৰা হৈছে।
প্ৰতিবেদন অনুসৰি সৌৰভ গাংগুলীৰ বায়’পিকত মুখ্য চৰিত্ৰত অভিনয় কৰিবলৈ ওলাইছে ৰাজকুমাৰ ৰাৱে। ছবিখনৰ প্ৰযোজকসকলে ৰাজকুমাৰৰ সৈতে যোগাযোগ কৰিছিল আৰু তেওঁ সেই কাম কৰিবলৈ সন্মত হৈছে। বহু প্ৰত্যাশিত এই বায়’পিকখন পৰিচালনা কৰিব বিক্ৰমাদিত্য মটৱানে। আমোদজনক কথাটো হ’ল এই ছবিখন ‘ট্ৰেপড’ (২০১৬)ৰ পিছত ৰাজকুমাৰ ৰাও আৰু মটৱানেৰ দ্বিতীয়খন সহযোগিতা হ’ব। অতি সোনকালে ছবিখনৰ শ্বুটিং আৰম্ভ হ’ব। এই বায়’পিকখন লুভ ৰঞ্জন আৰু অংকুৰ গাৰ্গৰ প্ৰযোজনা কৰি আছে, যাৰ বাবে অনুৰাগীৰ আশা আৰু অধিক বৃদ্ধি পাইছে।
আগন্তুক সময়ত ৰাজকুমাৰ ৰাওক বহুতো ডাঙৰ ডাঙৰ ছবিত দেখা যাব। ইয়াৰে এটা হৈছে ‘ভূল চুক মাফ’, য’ত তেওঁ প্ৰথমবাৰৰ বাবে বামিকা গাব্বীৰ সৈতে যোৰ কৰে। ২০২৫ চনৰ ৯ মে’ত ছবিগৃহত মুক্তি লাভ কৰিব এই ছবিখনৰ উপৰিও ৰাজকুমাৰক বিবেক দাস চৌধাৰীৰ পৰিচালনাৰে নিৰ্মিত ‘ট’ষ্টাৰ’ ছবিতো দেখা যাব। এই ছবিখন অতি সোনকালে ওটিটি প্লেটফৰ্ম নেটফ্লিক্সত মুক্তি পাব।
हिन्दुस्थान समाचार / আলোক চক্ৰৱৰ্তী
