নতুন দিল্লী, ১১ মাৰ্চ (হি.স.)। এইবাৰৰ অল ইংলেণ্ড চেম্পিয়নশ্বিপ ভাৰতীয় বেডমিণ্টন খেলুৱৈৰ বাবে অতি কঠিন বুলি প্ৰমাণিত হ’ব পাৰে। আঘাত, ফিটনেছ ইছ্যু আৰু দুৰ্বল ফৰ্মৰ বাবে ভাৰতীয় শ্বাটলাৰসকলে বহু অসুবিধাৰ সন্মুখীন হৈছে। প্ৰকাশ পাডুকন (১৯৮০) আৰু পুল্লেলা গোপিচণ্ড (২০০১)ৰ ঐতিহাসিক বিজয়ৰ পিছৰে পৰা কোনো ভাৰতীয় খেলুৱৈয়ে এই সন্মানীয় খিতাপ দখল কৰিবলৈ সক্ষম হোৱা নাই।

যদিও পিভি সিন্ধু, ছাইনা নেহৱাল আৰু কিদাম্বি শ্ৰীকান্তৰ দৰে কিংবদন্তিসকলে বিশ্ব পৰ্যায়ত বহু ডাঙৰ কৃতিত্ব অৰ্জন কৰিছে, তথাপিও ভাৰতীয়ৰ হাতৰ মুঠিৰ বাহিৰত আছে অল ইংলেণ্ড অ’পেনৰ মুকুট। আঘাত আৰু দুৰ্বল ফৰ্মে এইবাৰ অসুবিধাৰ সন্মুখীন হৈছে ভাৰতীয় বেডমিণ্টন খেলুৱৈ। আঘাতৰ পৰা সুস্থ হৈ উঠিছে পি.ভি. এইচ এছ. চিকুংগুনিয়াৰ বাবে প্ৰাণনয়ৰ ফৰ্মত নাই। দুৰ্বল ফৰ্মৰ সৈতে যুঁজি আছে লক্ষ্য সেন। শেহতীয়াকৈ পিতৃক হেৰুৱাই মানসিকভাৱে কঠিন পৰ্যায়ৰ মাজেৰে পাৰ হৈ গৈছে সাতৱিকসাইৰাজ ৰেংকিৰেড্ডী।

সিন্ধু দুবাৰৰ অলিম্পিক পদক বিজয়ী যদিও যোৱা মাহত হামষ্ট্ৰিঙৰ আঘাতৰ বাবে এছিয়া মিক্সড টিম চেম্পিয়নশ্বিপৰ পৰা আঁতৰি আহিছিল। এতিয়া তেওঁ সম্পূৰ্ণ ফিট হৈ পৰিছে আৰু কোৰিয়ান খেলুৱৈ গা উন কিমৰ বিৰুদ্ধে অভিযান আৰম্ভ কৰিব। দ্বিতীয় ৰাউণ্ডত চীনৰ হান ইউৰ মুখামুখি হোৱাৰ সম্ভাৱনা আছে যদিও কোৱাৰ্টাৰ ফাইনেলত ইণ্ডোনেছিয়াৰ গ্ৰেগ’ৰিয়া মাৰিস্কা টুনজুঙে ডাঙৰ প্ৰত্যাহ্বানৰ সৃষ্টি কৰিব পাৰে।

লক্ষ্য সেনৰ বাবে কঠিন ড্ৰ'

যোৱা বছৰ ছেমি ফাইনেলত প্ৰৱেশ কৰা লক্ষ্য সেনৰ ফৰ্ম এইবাৰ বেয়া। ২৩ বছৰীয়া লক্ষ্যই জাপানৰ কোকি ৱাটানাবেৰ বিৰুদ্ধে অভিযান আৰম্ভ কৰিব। এই মেচখনত যদি তেওঁ জয়লাভ কৰে তেন্তে দ্বিতীয় ৰাউণ্ডত ইণ্ডোনেছিয়াৰ জনী ক্ৰীষ্টিৰ মুখামুখি হ’ব পাৰে। এইচ এছ. বিশ্বৰ ৩০ নম্বৰ স্থানলৈ পিছলি যোৱা প্ৰান’ই প্ৰথম ৰাউণ্ডত মুখামুখি হ’ব ফ্ৰান্সৰ টমা জুনিয়ৰ প’প’ভৰ বিৰুদ্ধে।

পুৰুষৰ ডাবলছত ভাৰতৰ আশা

এছিয়ান গেমছৰ স্বৰ্ণ পদক বিজয়ী সাতৱিকসাইৰাজ আৰু চিৰাগ শেট্টী হ’ব ভাৰতৰ আটাইতকৈ ডাঙৰ আশা। ডেনমাৰ্কৰ ডেনিয়েল লুণ্ডগাৰ্ড আৰু মেডছ ভেষ্টগাৰ্ডৰ বিৰুদ্ধে অভিযান আৰম্ভ কৰিব এই যুটিয়ে।

মহিলাৰ ডাবলছত ভাৰতৰ শক্তিশালী প্ৰত্যাহ্বান

মহিলাৰ ডাবলছত বিশ্বৰ ৯ নম্বৰ তৃষা জলী আৰু গায়ত্ৰী গোপিচান্দৰ বিৰুদ্ধে প্ৰথমখন মেচত মুখামুখি হ’ব চীনা টাইপেইৰ শ্বুও ইউন ছুং আৰু চিয়েন হুই ইউ। অশ্বিনী পোনাপ্পা আৰু তানিছা ক্ৰাষ্টোৰ বিৰুদ্ধে টাইপেইৰ পেই শ্বান ছি আৰু এন-ট্জু হাঙৰ মুখামুখি হ’ব। আন আন মেচত মালবিকা বানচোদে ছিংগাপুৰৰ জিয়া মিন ইউৰ বিৰুদ্ধে খেলিব।

মিক্সড ডাবলছত তিনিটা ভাৰতীয় যোৰ

মিক্সড ডাবলছ ইভেণ্টত তিনিটা ভাৰতীয় যুটিয়ে প্ৰত্যাহ্বান জনাব - ৰোহন কাপুৰ আৰু ৰুটৱিকা শিবানী গাড্ডে, ধ্ৰুৱ কপিলা আৰু তনিষা ক্ৰাষ্টো আৰু সতীশ কৰুণাকৰন আৰু আদ্যা ৱৰিয়াথে। এই সন্মানীয় প্ৰতিযোগিতাত জয়ৰ পথ ভাৰতীয় শ্বাটলাৰসকলৰ বাবে সহজ নহ’ব যদিও তেওঁলোকে যৎপৰোনাস্তি চেষ্টাৰে ক’ৰ্টত প্ৰৱেশ কৰিব।

हिन्दुस्थान समाचार / আলোক চক্ৰৱৰ্তী