নতুন দিল্লী, ১৮ ডিচেম্বৰ (হি.স.)। ভাৰত-ওমান সম্পৰ্কত অসাধাৰণ অৱদান আৰু দূৰদৰ্শী নেতৃত্বৰ বাবে ওমানৰ চুলতান হাইথাম বিন তাৰিকে প্ৰধানমন্ত্ৰী নৰেন্দ্ৰ মোডীক ওমান অৰ্ডাৰ প্ৰদান কৰে। প্ৰধানমন্ত্ৰীয়ে এই বঁটা উচৰ্গা কৰে দুয়োখন দেশৰ দীৰ্ঘদিনীয়া বন্ধুত্বৰ প্ৰতি। ১৯৭০ চনত চুলতান কাবুছ বিন ছাইদে স্থাপন কৰা অৰ্ডাৰ অৱ ওমানক জনজীৱন আৰু দ্বিপাক্ষিক সম্পৰ্কত তেওঁলোকৰ অৱদানৰ স্বীকৃতি স্বৰূপে বিশ্বৰ নেতাসকলক নিৰ্বাচিত কৰিবলৈ প্ৰদান কৰা হয়।
বৈদেশিক মন্ত্ৰালয়ৰ মুখপাত্ৰ ৰণধীৰ জয়ছোৱালে এই বঁটাক ভাৰত আৰু ওমানৰ মাজত থকা চিৰস্থায়ী বন্ধুত্বৰ পুনৰ দৃঢ়তা বুলি অভিহিত কৰে। এই বঁটা প্ৰদানৰ কথা ঘোষণা কৰি তেওঁ কয় যে প্ৰধানমন্ত্ৰীয়ে এই বঁটা ভাৰত আৰু ওমানৰ দীৰ্ঘদিনীয়া বন্ধুত্বৰ বাবে উৎসৰ্গা কৰিছে। তেওঁ ইয়াক ভাৰতৰ ১৪ কোটি জনসাধাৰণৰ আৰু ওমানবাসীৰ মাজত থকা উষ্ণতা আৰু মৰমৰ প্ৰতিফলন বুলি অভিহিত কৰে।
हिन्दुस्थान समाचार / অৰৱিন্দ
