কাছাৰ, ০৪ নৱেম্বৰ (হি.স.)। ড্ৰাগছ সৰবৰাহৰ অপৰাধত শিলচৰ আৰক্ষীয়ে তিনিজন লোকক গ্ৰেপ্তাৰ কৰিছে। ড্ৰাগছ সৰবৰাহৰ বিৰুদ্ধে এক বিশেষ অভিযানৰ অংশ হিচাপে আৰক্ষীয়ে শিলচৰৰ ফাটকবজাৰ কালিবাৰী পথৰ চামৰাঘোডাম অঞ্চলত অভিযান চলাই তিনিজন লোকক আটক কৰে।

আজি আৰক্ষী অধীক্ষকে জনোৱা মতে, ধৃত অভিযুক্ত দুজনৰ নাম আবজল হুছেইন লস্কৰ (৩৮), কবীৰ আহমেদ লস্কৰ ওৰফে বিক্কি (৩০) আৰু ৰ’নে দাস (২১)। আৰক্ষীয়ে তেওঁলোকৰ হাতৰ পৰা ১০০০ শিশি (মুঠ ওজন ৩৫ গ্ৰাম) সন্দেহযুক্ত হেৰ’ইন, নগদ ২১,০৭০ ₹, আৰু এখন স্কুটাৰ উদ্ধাৰ কৰে। এই সন্দৰ্ভত ব্যৱস্থা গ্ৰহণ কৰা হৈছে বুলি আৰক্ষীয়ে জানিবলৈ দিয়ে।

হিন্দুস্থান সমাচাৰ / মনোজ কুমাৰ শইকীয়া