পেৰিছ, ০৯ অক্টোবৰ (হি.স.)। ফ্ৰান্সত গভীৰ হৈ অহা ৰাজনৈতিক সংকট সমাধানৰ প্ৰয়াসত ৰাষ্ট্ৰপতি ইমানুৱেল মেক্ৰনে অহা ৪৮ ঘণ্টাৰ ভিতৰত নতুন প্ৰধানমন্ত্ৰী নিযুক্তি দিয়াৰ কথা ঘোষণা কৰিছে।
মাত্ৰ ২৬ দিনৰ অন্তত কাৰ্যভাৰ ত্যাগ কৰা চেবাষ্টিয়ান লেকৰ্ণুৱে হঠাতে পদত্যাগ কৰাৰ পিছতে তেওঁৰ এই সিদ্ধান্ত। আধুনিক ফ্ৰান্সৰ ইতিহাসত এজন প্ৰধানমন্ত্ৰীৰ এই কাৰ্যকাল আটাইতকৈ কম।
বুধবাৰে মেক্ৰনে ঘোষণা কৰে যে তেওঁ দুদিনৰ ভিতৰত নতুন প্ৰধানমন্ত্ৰী নিযুক্তি দিব।
মেক্ৰনৰ ঘনিষ্ঠ মিত্ৰ তথা প্ৰাক্তন প্ৰতিৰক্ষা মন্ত্ৰী লেকৰ্ণুৱে সোমবাৰে কেন্দ্ৰীয় মন্ত্ৰীসভা ঘোষণা কৰি শাসক আৰু বিৰোধী দুয়োটা দলৰ চোকা সমালোচনাৰ সন্মুখীন হয়। ঋণ সংকটৰ মাজত কঠোৰ নীতি অব্যাহত ৰখা প্ৰাক্তন বিত্তমন্ত্ৰী ব্ৰুনো লে মাইৰৰ দৰে ব্যক্তিক ধৰি ৰখাৰ সমালোচনা সমালোচকসকলে কৰে।
কিন্তু মেক্ৰনৰ অনুৰোধত লেকৰ্ণুৱে ৪৮ ঘণ্টা ধৰি ভাৰপ্ৰাপ্ত প্ৰধানমন্ত্ৰী হিচাপে কাৰ্যনিৰ্বাহ কৰি সোঁপন্থী আৰু বাওঁপন্থী নেতাসকলৰ সৈতে আলোচনা কৰি “স্থিতিশীলতা পৰিকল্পনা” বিচাৰি উলিয়াইছিল যাতে বছৰৰ শেষৰ ফালে এইবাৰৰ বাজেট গৃহীত কৰিব পৰা যায়।
ইফালে, এলিচি পেলেছে এক বিবৃতিত কয় যে, গৰিষ্ঠসংখ্যক সাংসদে সংসদ ভংগ কৰাৰ বিৰোধী। স্থিতিশীলতাৰ বাবে এক মঞ্চ আছে, আৰু ৩১ ডিচেম্বৰৰ ভিতৰত বাজেট গ্ৰহণ কৰাৰ পথ সম্ভৱ। মেক্ৰনে লেকৰ্ণুক তেওঁৰ এই প্ৰচেষ্টাৰ বাবে ধন্যবাদ জনায়। অৱশ্যে তেওঁ স্পষ্ট কৰি দিয়ে যে সোঁপন্থী নেশ্যনেল ৰেলী আৰু বাওঁপন্থী ফ্ৰান্স আনব’ডৰ মেৰিন লে পেনে নতুন নিৰ্বাচনৰ দাবীত সংসদীয় সমৰ্থনৰ অভাৱ।
দুবছৰৰ ভিতৰত পঞ্চমবাৰৰ বাবে প্ৰধানমন্ত্ৰীৰ পৰিৱৰ্তন আৰু ২০২২ চনৰ আকস্মিক নিৰ্বাচনত কেন্দ্ৰীয়তাবাদী নেতাৰ হাতত মেক্ৰনৰ সংখ্যাগৰিষ্ঠতা হেৰুৱাৰ পৰাই ফ্ৰান্সৰ সংকটৰ সৃষ্টি হৈছে। লেকৰ্ণুৰ পূৰ্বৰ মিচেল বাৰ্নিয়েৰ আৰু ফ্ৰান্সোৱা বায়ৰ’ক অনাস্থাৰ প্ৰস্তাৱত বহিষ্কাৰ কৰা হয়।
ইফালে পৰৱৰ্তী প্ৰধানমন্ত্ৰীক লৈ জল্পনা-কল্পনাৰ সৃষ্টি হৈছে। ইয়াৰ ভিতৰত এডৱাৰ্ড ফিলিপৰ নাম দ্ৰুতগতিত উন্মোচিত হৈছে। অৱশ্যে এই বিষয়ত মৌনতা অৱলম্বন কৰিছে মেক্ৰনে।
মেক্ৰনৰ বাবে এটা ডাঙৰ প্ৰত্যাহ্বান হৈছে ২০২৩ চনৰ অসামৰিক পেঞ্চন সংস্কাৰ স্থগিত ৰখা, যাৰ বাবে ৩.৫ বিলিয়ন ডলাৰ খৰচ হ’ব পাৰে। প্ৰাক্তন প্ৰধানমন্ত্ৰী এলিজাবেথ বৰ্ণে এতিয়া ইয়াক সমৰ্থন কৰিছে যদিও এই বিষয়ত মেক্ৰনৰ স্থিতি এতিয়াও স্পষ্ট নহয়। মতাদৰ্শগত বিভাজনৰ সৈতে যুঁজি থকা ফ্ৰান্সত নতুন প্ৰধানমন্ত্ৰীৰ নিযুক্তিয়ে ভংগুৰ মিত্ৰজোঁটৰ সৃষ্টি কৰিব পাৰে বা ৰাজনৈতিক অচলাৱস্থা গভীৰ কৰিব পাৰে।
हिन्दुस्थान समाचार / অৰৱিন্দ
