নতুন দিল্লী, ২৮ অক্টোবৰ (হি.স.)। ভাৰতৰ উপ অধিনায়ক তথা অ’পেনিং বেটছমেন স্মৃতি মান্ধনাই পুনৰবাৰ আইচিচিৰ মহিলা এদিনীয়া বেটিং ৰেংকিঙত নিজৰ আধিপত্য বজাই ৰাখিছে। নিউজিলেণ্ড আৰু বাংলাদেশৰ বিৰুদ্ধে কৰা আকৰ্ষণীয় প্ৰদৰ্শনৰ বাবেই মান্ধনাই ৮২৮ পইণ্টৰ কেৰিয়াৰৰ শ্ৰেষ্ঠ ৰেটিং লাভ কৰে।

নিউজিলেণ্ডৰ বিৰুদ্ধে ১০৯ ৰান আৰু বাংলাদেশৰ বিৰুদ্ধে অপৰাজিত ৩৪ ৰানৰ উজ্জ্বল ইনিংছৰ বাবে মান্ধনাই নিজৰ নিকটতম প্ৰতিদ্বন্দ্বী অষ্ট্ৰেলিয়াৰ এছ গাৰ্ডনাৰ (৭৩১ পইণ্ট)ৰ বিৰুদ্ধে প্ৰায় ১০০ পইণ্টৰ অগ্ৰগতি মুকলি কৰিছে। ইংলেণ্ডৰ বিৰুদ্ধে শতক অৰ্জন কৰা গাৰ্ডনাৰে ছয় স্থান জঁপিয়াই দ্বিতীয় স্থান লাভ কৰে। স্মৃতি মান্ধনাই যোৱা কেইমাহমানত উৎকৃষ্ট ফৰ্মত আছে। ইয়াৰ উপৰিও ২০২৫ চনৰ ছেপ্টেম্বৰ মাহত অষ্ট্ৰেলিয়াৰ বিৰুদ্ধে এদিনীয়া শৃংখলাত তেওঁৰ তাৰকা প্ৰদৰ্শনৰ বাবে আইচিচিৰ মহিলা খেলুৱৈৰ বঁটাও লাভ কৰিছিল।

দক্ষিণ আফ্ৰিকাৰ অধিনায়ক ল’ৰা উলভাৰ্ডে ৯০ আৰু ৩১ ৰান সংগ্ৰহৰ বাবে দুটা স্থান জঁপিয়াই শীৰ্ষ তিনিটাত প্ৰৱেশ কৰিছে। ইফালে ইংলেণ্ডৰ এমি জ’নছ চাৰিটা স্থান বৃদ্ধি পাই নৱম স্থান (৬৫৬ ​​পইণ্ট) হৈছে৷ অষ্ট্ৰেলিয়াৰ ইনেবল চাথাৰলেণ্ডে সৰ্বাধিক জাম্প কৰি ১৬ স্থান বৃদ্ধি কৰি ১৬ নম্বৰ স্থানত (৬১৩ পইণ্ট) স্থান লাভ কৰে।

ভাৰতৰ যুৱ খেলুৱৈ প্ৰতীকা ৰাৱালেও প্ৰথমবাৰৰ বাবে শীৰ্ষ ৩০ ৰ ভিতৰত স্থান লাভ কৰিছে তেওঁৰ আকৰ্ষণীয় প্ৰদৰ্শনৰ বাবে। আঘাতৰ বাবে প্ৰতিযোগিতাখনত অংশগ্ৰহণ কৰিব নোৱাৰিলেও তেওঁ ২৭ নম্বৰ স্থান (৫৬৪ পইণ্ট) লাভ কৰিছে, যিয়ে তেওঁৰ ধাৰাবাহিক প্ৰদৰ্শনক প্ৰতিফলিত কৰিছে।

বলিং ৰেংকিঙতো উল্লেখযোগ্য পৰিৱৰ্তন–

স্পিন বলাৰসকলে প্ৰতিযোগিতাখনত আধিপত্য বিস্তাৰ কৰিছিল। ইংলেণ্ডৰ ছফী এক্লেষ্টনে ৭৪৭ পইণ্টেৰে এক নম্বৰ বলাৰ হৈ আছে। ইফালে দক্ষিণ আফ্ৰিকাৰ বিৰুদ্ধে ৭টা উইকেট দখল কৰি অষ্ট্ৰেলিয়াৰ আলানা কিঙে ৫ স্থান জপিয়াই দ্বিতীয় স্থান (৬৯৮ পইণ্ট) লাভ কৰিছে।

তেওঁৰ সতীৰ্থ এছ গাৰ্ডনাৰে এটা স্থান পিছলি তৃতীয় স্থানলৈ (৬৮৯ পইণ্ট) স্থান লাভ কৰিছে। পাকিস্তানৰ নাশ্ৰা সান্ধু আৰু দক্ষিণ আফ্ৰিকাৰ ননকুলুলেকো ম্লাবা দশম স্থানত (৬১০ পইণ্ট) সমতাত আছে।

দ্ৰুত বলাৰৰ ভিতৰত মাৰিজান কেপ আৰু ইনেবল চাথাৰলেণ্ডেও এটাকৈ স্থান লাভ কৰি ক্ৰমে চতুৰ্থ আৰু সপ্তম স্থানত উপনীত হয়। ইংলেণ্ডৰ বাওঁহাতৰ স্পিনাৰ লিনচি স্মিথে এই সপ্তাহত সৰ্বাধিক মুভাৰ কৰি ২৪ স্থান জপিয়াই ৩৬ নম্বৰত (৪৪৪ পইণ্ট) স্থান লাভ কৰে।

অল-ৰাউণ্ডাৰ ৰেংকিং-

গাৰ্ডনাৰে নিজৰ আকৰ্ষণীয় প্ৰদৰ্শনৰ বাবেই অল ৰাউণ্ডাৰ ৰেংকিঙত ১ নং স্থান (৫০৩ পইণ্ট) অক্ষুণ্ণ ৰাখিছে। তেওঁৰ পিছতে ৱেষ্ট ইণ্ডিজৰ হেলি মেথিউছক অতিক্ৰম কৰি এতিয়া দ্বিতীয় স্থানত আছে দক্ষিণ আফ্ৰিকাৰ মাৰিজান কেপ (৪২২ পইণ্ট) । অষ্ট্ৰেলিয়াৰ ইনেবল চাথাৰলেণ্ডে চতুৰ্থ স্থান দখল কৰাৰ বিপৰীতে আলানা কিঙেও শীৰ্ষ ১০ গৰাকী অল-ৰাউণ্ডাৰৰ ভিতৰত যোগদান কৰিছে।

body{font-family:Arial,sans-serif;font-size:10pt;}.cf0{font-family:Nirmala UI,sans-serif;font-size:11pt;}.cf1{font-family:Consolas;font-size:11pt;}.cf2{font-weight:bold;font-family:Nirmala UI,sans-serif;font-size:11pt;}

हिन्दुस्थान समाचार / অৰৱিন্দ