শীঘ্ৰে অভিনেতা ফাৰহান আখতাৰ আৰু পত্নী শিবানী ডাণ্ডেকাৰৰ ঘৰত নতুন অতিথি আহিব বুলি চৰ্চা চলিছে। ছ’চিয়েল মিডিয়াত শিবানী দণ্ডেকৰে ৪৪ বছৰ বয়সত গৰ্ভৱতী হোৱাৰ খবৰ। ২০২২ চনত ফাৰহানে দ্বিতীয়বাৰৰ বাবে শিবানীৰ সৈতে বিবাহপাশত আবদ্ধ হয়। তেওঁৰ প্ৰথম পত্নীৰ পৰা দুগৰাকী কন্যা সন্তান আছে।
খবৰ অনুসৰি চলিত বৰ্ষৰ শেষৰ ফালে ফাৰহান আৰু শিবানী পিতৃ-মাতৃ হ’বলৈ গৈ আছে। শিবানীৰ বয়স ৪৪ বছৰ, গতিকে তেওঁ হয়তো চেৰ’গেচি বা আইভিএফৰ পথ বাছি লোৱাৰ সম্ভাৱনা আছে। দুয়োৰে কোনোৱেই এই খবৰ এতিয়াও নিশ্চিত কৰা নাই। গতিকে ইয়াত কিমান সত্য আছে সেয়া কোৱা সম্ভৱ নহয়। অৱশ্যে ছ’চিয়েল মিডিয়াত শিবানীৰ গৰ্ভধাৰণৰ বিষয়ে আলোচনা আৰম্ভ হৈছে। যোৱা সপ্তাহত শিবানী আৰু ফাৰহানে হিন্দুজা হাস্পতাল পৰিদৰ্শন কৰিছিল। ইয়াৰ পিছত পাপাৰাজীয়ে নিশ্চিত কৰে যে দম্পতীহালে অতি সোনকালে ভাল খবৰ দিব।
हिन्दुस्थान समाचार / মনোজ কুমাৰ শইকীয়া
