নগাঁও, ০৮ জানুৱাৰী (হি.স.)। অসমৰ ৪০ টাকৈ ক্ৰীড়া সংগঠনলৈ সূত উন্নয়ন পৰিষদৰ আজি ক্ৰীড়া সামগ্ৰী বিতৰণ l

নগাঁৱৰ বঢ়মপুৰৰ ছহিদ থগী সূত ক্ৰীড়া প্ৰকল্পত সূত উন্নয়ন পৰিষদে ক্ৰীড়া সংগঠন সমূহৰ মাজত ক্ৰীড়া সামগ্ৰী বিতৰণ কৰে। সূত উন্নয়ন পৰিষদ,অসমে ক্ৰীড়াৰ ক্ষেত্ৰত আগবাঢ়ি যাবলৈ খেলুৱৈ সকলৰ মাজত ফুটবলৰ সামগ্ৰী বিতৰণ কৰে ।

ফুটবলৰ সামগ্ৰী বিতৰণৰ উদ্বোধনী অনুষ্ঠান নগাঁও জিলাৰ বঢ়মপুৰৰ থগী সূত ক্ৰীড়া প্ৰকল্পত আৰম্ভ হয় আৰু পৰ্যায়ক্ৰমে লক্ষীমপুৰ,ধেমাজি,মাজুলী,

যোৰহাট,শিৱসাগৰ,গোলাঘাট,মৰিগাঁও, হোজাই,বিশ্বনাথ, দৰং, শোণিতপুৰ জিলাৰ মুঠ ৪০ টাকৈ দলক ফুটবল খেলৰ সামগ্ৰী বিতৰণ কৰিব । নগাঁৱৰ ননৈ আঞ্চলিক ফুটবল দল,বঢ়মপুৰ শ্বহীদ থগী সূত ক্ৰীয়া সন্থা ,বৰবাৰী আঞ্চলিক ফুটবল দল,পৰুৱাগাঁও আঞ্চলিক ফুটবল দলক ফুটবল,জাৰ্চি, জোতা,নেট আদি বিতৰণ কৰে।

হিন্দুস্থান সমাচাৰ / নিৰ্মলেন্দু