নগাঁও, ০৮ জানুৱাৰী (হি.স.)। নগাঁৱৰ চামগুৰিত গৰু চোৰৰ সন্ত্ৰাস বৃদ্ধি পাইছে দিনক দিনে। নগাঁৱৰ চামগুৰিত আৰক্ষীৰ তহলদাৰী বাহনত প্ৰচণ্ড খুন্দা মাৰি পলায়নৰ চেষ্টা গৰু চুৰি কৰা বাহনৰ।

নিশা নগাঁও জিলাৰ ৰহাৰ পৰা চামগুৰিলৈ এখন ব্যক্তিগত বাহনত চুৰি গৰু আনি থকা অৱস্থাত গোপন সূত্ৰৰ পম খেদি আৰক্ষীয়ে আগভেটি ধৰাত আৰক্ষীৰ বাহনত প্ৰচণ্ড খুন্দা গৰু চুৰি চক্ৰৰ বাহনৰ। দুৰ্ঘটনাটোৰ ফলত নগাঁৱৰ চামগুৰি আৰক্ষীৰ বাহন সম্পূৰ্ণ ৰূপে দুৰ্ঘটনাগ্ৰস্ত হোৱাৰ লগতে গৰু চুৰিত ব্যৱহৃত বাহন খনো ক্ষতিগ্ৰস্ত হয়। আৰক্ষীৰ বাহনত খুন্দা মাৰি গৰু চোৰে পলায়নৰ চেষ্টা কৰিছিল যদিও চামগুৰি আৰক্ষীয়ে আটক কৰে গৰু সহ কিয়া বাহন। আটক কৰে এটা গৰু চোৰকো।

বাহন খনত দুটা গৰু চুৰি কৰি আনিছিল নগাওঁ জিলাৰ ৰহাৰ পৰা। আটকাধীন গৰু চোৰটোৰ নাম গুলজাৰ হুছেইন।

হিন্দুস্থান সমাচাৰ / নিৰ্মলেন্দু