নতুন দিল্লী, ০৬ জানুৱাৰী (হি.স.)। ইকুৱেডৰৰ আম্বাটোত শনিবাৰে উৰুগুৱেৰ খেলুৱৈ মাথিয়াছ আকুনাক মৃত অৱস্থাত উদ্ধাৰ কৰা হয় আৰু তেওঁৰ ক্লাব মুছুক ৰুনাই ছ’চিয়েল মিডিয়াত কয় যে প্ৰাৰম্ভিক চিকিৎসা প্ৰতিবেদনত ইয়াক আত্মহত্যাৰ ঘটনা বুলি চিহ্নিত কৰা হৈছে।

সংবাদ মাধ্যমৰ বাতৰি অনুসৰি ২০২৫ চনৰ ছিজনৰ পূৰ্বে ইকুৱেডৰৰ ছিৰি এ দলত যোগদান কৰা আকুনাক তেওঁৰ প্ৰাক্তন সতীৰ্থই শাৰীৰিক আৰু মানসিক নিৰ্যাতনৰ অভিযোগ উত্থাপন কৰাৰ পিছত তদন্তৰ অধীনত আছিল।

মুছুক ৰুণাই ফেচবুকত প্ৰকাশ কৰা এক বিবৃতিত কয়, খেলুৱৈ মাথিয়াছ আকুনাৰ মৃতদেহ পৰীক্ষাৰ পৰা পোৱা প্ৰাৰম্ভিক চিকিৎসা প্ৰতিবেদন অনুসৰি ইয়াক আত্মহত্যাৰ গোচৰ বুলি গণ্য কৰা হৈছে। এই খবৰত আমি গভীৰভাৱে স্তম্ভিত হৈছো আৰু আমি গভীৰভাৱে দুখী। আমি এই কঠিন সময়ত তেওঁৰ পৰিয়াল আৰু আপোনজনৰ সৈতে আমাৰ সংহতি পুনৰবাৰ প্ৰকাশ কৰিছো।

উৰুগুৱেৰ ফুটবল এছ’চিয়েশ্যনে ছ’চিয়েল মিডিয়াত প্ৰকাশ কৰা এক বিবৃতিত কয় যে ৩২ বছৰীয়া খেলুৱৈগৰাকীৰ মৃত্যুত গভীৰ শোক প্ৰকাশ কৰিছে।

हिन्दुस्थान समाचार / মনোজ কুমাৰ শইকীয়া