ধুবুৰী, ০২ জানুৱাৰী (হি.স.): ধুবুৰী জিলাৰ গৌৰীপুৰত চুৰি ট্ৰাকসহ দুজন লোকক আটক কৰা হৈছে। গৌৰীপুৰৰ আঠানি আৰক্ষী চকীৰ ৰঙামাটি প্ৰথম খণ্ডৰ জনতা ইটা ভাটাত লুকুৱাই ৰখা অৱস্থাত ট্ৰাকখন জব্দ কৰাৰ লগতে লোক দুজনক আটক কৰে।
ইফালে ট্ৰাকখনৰ চুৰি কাৰ্য্যৰ লগত মূল মাষ্টাৰ মাইণ্ড দুজনে পলায়ন কৰিছে। আটক হোৱা ব্যক্তি দুইগৰাকী ছৰিফুল জামান আৰু নুৰ জামাল আলী বুলি পৰিচয় পোৱা গৈছে। আনহাতে পলাতক দুজনৰ এজনৰ নাম শাহ জামাল আৰু আনজনৰ নাম জানিব পৰা নাই।ট্ৰাকখন লৈ স্থানীয় ৰাইজৰ সন্দেহ হোৱাত অনলাইনত পঞ্জীয়ন নম্বৰ পৰীক্ষা কৰাত ভুল তথ্য পোৱাত আৰক্ষীক খবৰ দিয়ে। পিছত আৰক্ষী উপস্থিত হৈ তদন্ত কৰাত ট্ৰাক খনৰ চেছিছ নম্বৰ আৰু পঞ্জীয়ন নম্বৰ টেম্পাৰিং কৰাৰ তথ্য পোহৰলৈ অহাৰ লগতে বহু কেইখন নাম্বাৰ প্লেট জব্দ কৰে। আঠানি আৰক্ষীয়ে অধিক তথ্য বাবে আটক হোৱা ব্যক্তি দুই গৰাকীক মাৰথন জেৰা অব্যাহত ৰাখিছে।
হিন্দুস্থান সমাচাৰ / কিশোৰ মিশ্ৰ
