বলীউডৰ ‘ডিম্পল গাৰ্ল’ প্ৰীতি জিন্তা সদায় বাতৰিৰ শিৰোনামা হৈ আহিছে। আই পি এল হওক বা ছ’চিয়েল মিডিয়া হওক, তেওঁৰ যাদু সকলোতে দেখা যায়। ‘ডিম্পল গাৰ্ল’ আজি এগৰাকী সফল অভিনেত্ৰী আৰু ব্যৱসায়ী হ’লেও ব্যক্তিগত জীৱনত বহু অসুবিধাৰ সন্মুখীন হ’বলগীয়া হৈছে প্ৰীতিয়ে। শেহতীয়াকৈ এক সাক্ষাৎকাৰত প্ৰীতিয়ে নিজৰ জীৱনৰ কঠিন পৰ্যায়ৰ বিষয়ে মুকলিকৈ কয়।
২০১৬ চনত জিন গুডেনাফক বিয়া কৰাই নতুন জীৱন আৰম্ভ কৰিছিল প্ৰীতিয়ে। বিয়াৰ পিছত ২০২১ চনত চেৰ’গেচিৰ জৰিয়তে যমজ সন্তানৰ মাতৃ হৈছিল প্ৰীতি জিন্টা। তেওঁলোকৰ সন্তানৰ নাম আছিল জয় আৰু জিয়া। অৱশ্যে চেৰ’গেচিৰ পথ বাছি লোৱাৰ আগতে আইভিএফৰ চেষ্টাও কৰিছিল। শেহতীয়াকৈ এক সাক্ষাৎকাৰত প্ৰীতিয়ে নিজৰ মৰম প্ৰকাশ কৰে।
প্ৰীতিয়ে কয়, মইও জীৱনত বহু বেয়া দিন দেখিছো। বেয়া সময়ত সুখী আৰু ভাগ্যৱান হৈ থকাটো এটা ডাঙৰ সংগ্ৰাম। আইভিএফৰ সময়ত হোৱা অসুবিধাৰ সময়ত মই এই কথা উপলব্ধি কৰিছিলো। প্ৰতিবাৰেই মই হাঁহি থাকিম। মোৰ মুখ আৰু আচৰণ বৰ কঠিন আছিল। কেতিয়াবা মূৰটো বেৰত খুন্দা মাৰিব মন গৈছিল, কাৰো লগত কথা পাতিব মন যোৱা নাছিল।
প্ৰীতিৰ ৱৰ্ক ফ্ৰণ্টৰ কথা ক’বলৈ গ’লে অতি সোনকালেই তেওঁ ‘লাহোৰ ১৯৪৭’ৰ সৈতে পুনৰ উভতি আহিব। ‘লাহোৰ ১৯৪৭’ ছবিখনত মুখ্য চৰিত্ৰত অভিনয় কৰিছে প্ৰীতিয়ে। ছানী দেওল মুখ্য অভিনেতা। ইয়াৰ বাবেই বহু বছৰৰ পাছত পুনৰবাৰ দেখা যাব প্ৰীতি আৰু ছানীৰ যুটি। ইমান বছৰৰ মূৰত প্ৰীতিক পৰ্দাত দেখি অনুৰাগীসকল অতিশয় উৎসাহিত হৈ পৰিছে।
হিন্দুস্থান সমাচাৰ / অৰৱিন্দ
