পাকিস্তানত সন্ত্ৰাসবাদীৰ বিৰুদ্ধে ভাৰতীয় সেনাৰ সাহসী কার্য ‘অপাৰেচন সेন্দুৰ’ক লৈ সমগ্ৰ দেশতে গৌৰৱ আৰু সুখৰ পৰিবেশ বিৰাজ কৰিছে ৷ সমগ্ৰ দেশৰ মানুহে সেনাবাহিনীৰ এই সফলতাক নিজৰ নিজৰ ধৰণেৰে উদযাপন কৰিছে। এই আৱেগৰ অধীনত ‘বিগ বছ ১৩’ৰ ফেম ৰেপাৰ অসীম ৰিয়াজে গ্ৰহণ কৰিছে এক গুৰুত্বপূৰ্ণ সিদ্ধান্ত। ভাৰত আৰু পাকিস্তানৰ সাম্প্ৰতিক পৰিস্থিতিৰ প্ৰতি লক্ষ্য ৰাখি অসীমে তেওঁৰ নতুন গীতৰ মুক্তি আপাততঃ পিছুৱাই দিছে। দেশৰ প্ৰতি থকা সন্মান আৰু সংবেদনশীলতাক মনত ৰাখি তেওঁ এই সিদ্ধান্ত গ্ৰহণ কৰিছে।
শেহতীয়াকৈ অসীম ৰিয়াজে তেওঁৰ ইনষ্টাগ্ৰাম ষ্ট’ৰীৰ জৰিয়তে এটা আৱেগিক বাৰ্তা শ্বেয়াৰ কৰিছে। তেওঁ লিখিছে, দুয়োখন দেশৰ মাজত বৰ্তমানৰ উত্তেজনাৰ প্ৰতি লক্ষ্য ৰাখি মই মোৰ আগন্তুক গীতটোৰ মুক্তি এসপ্তাহ পিছুৱাই দিয়াৰ সিদ্ধান্ত লৈছো। এতিয়া ই ১৪ মে'ত মুক্তি পাব। কিছুমান কথা সংগীতৰ ওপৰত, আৰু মোৰ বাবে দেশ সদায় প্ৰথম। মই সকলোৰে বাবে শান্তি আৰু শক্তিৰ বাবে প্ৰাৰ্থনা কৰোঁ।
মন কৰিবলগীয়া যে ইয়াৰ পূৰ্বেও অসীমে ২২ এপ্ৰিলত জম্মু-কাশ্মীৰৰ পহলগামত সংঘটিত সন্ত্ৰাসবাদী আক্ৰমণক তীব্ৰ গৰিহণা দিছিল।
हिन्दुस्थान समाचार / Monoj Kumar Saikia
