নতুন দিল্লী, ১৮ ছেপ্টেম্বৰ (হি.স.)। ‘এক দেশ এক নিৰ্বাচন’ সন্দৰ্ভত কেন্দ্ৰীয় কেবিনেটৰ সিদ্ধান্তক আদৰণি জনাই কেন্দ্ৰীয় গৃহমন্ত্ৰী অমিত শ্বাহে বুধবাৰে কয় যে ভাৰতে ঐতিহাসিক নিৰ্বাচনী সংস্কাৰৰ দিশত এক বৃহৎ পদক্ষেপ গ্ৰহণ কৰিছে । ছ’চিয়েল মিডিয়া প্লেটফৰ্ম এক্সত এক পোষ্টত কেন্দ্ৰীয় মন্ত্ৰীগৰাকীয়ে কয় যে প্ৰধানমন্ত্ৰী নৰেন্দ্ৰ মোডীৰ নেতৃত্বত ভাৰতত পৰিৱৰ্তনশীল সংস্কাৰ হৈছে । আজি ভাৰতে এই দিশত ঐতিহাসিক নিৰ্বাচনী সংস্কাৰৰ দিশত এক বৃহৎ পদক্ষেপ গ্ৰহণ কৰিছে, কিয়নো কেন্দ্ৰীয় মন্ত্ৰীসভাই এক জাতি এক নিৰ্বাচনৰ উচ্চ পৰ্যায়ৰ সমিতিৰ পৰামৰ্শ গ্ৰহণ কৰিছে।
তেওঁ কয় যে ইয়াৰ দ্বাৰা স্বচ্ছ আৰু বিত্তীয়ভাৱে দক্ষ নিৰ্বাচনৰ জৰিয়তে আমাৰ গণতন্ত্ৰক শক্তিশালী কৰাৰ লগতে অধিক উৎপাদনশীল সম্পদ আবণ্টনৰ জৰিয়তে অৰ্থনৈতিক বিকাশৰ দিশত আগুৱাই নিয়াৰ বাবে মোডীৰ দৃঢ় ইচ্ছাক প্ৰতিফলিত কৰা হৈছে। উল্লেখযোগ্য যে বুধবাৰে কেন্দ্ৰীয় কেবিনেটে ‘এক দেশ, এক নিৰ্বাচন’ সম্পৰ্কীয় প্ৰাক্তন ৰাষ্ট্ৰপতি ৰামনাথ কোবিন্দৰ নেতৃত্বত গঠিত উচ্চ পৰ্যায়ৰ কমিটীৰ পৰামৰ্শত অনুমোদন জনায়। দেশৰ কেন্দ্ৰ, ৰাজ্য আৰু স্থানীয় সংস্থাসমূহৰ বাবে একেলগে নিৰ্বাচন অনুষ্ঠিত কৰাৰ সৈতে জড়িত ব্যৱস্থা সন্দৰ্ভত কমিটীয়ে পৰামৰ্শ আগবঢ়াইছে। এতিয়া চৰকাৰে এই বিষয়ত ব্যাপক সমৰ্থন লাভ কৰিবলৈ চেষ্টা কৰিব আৰু সময় আহিলে এই বিষয়ত সংবিধান সংশোধনী বিধেয়ক অনা হ’ব।
হিন্দুস্থান সমাচাৰ / মনোজ কুমাৰ শইকীয়া
