বেইজিং, ১৬ ছেপ্টেম্বৰ (হি.স.)। চীনৰ সৰ্ববৃহৎ ঔদ্যোগিক চহৰ চাংহাইত চলিত বৰ্ষৰ ত্ৰয়োদশ সংখ্যক ধুমুহা বাবিংকাই আঘাত হানিছে। আজি পুৱা ৭:৩০ বজাত বলি থকা প্ৰচণ্ড বতাহৰ ফলত বহু ঠাইত পুৰণি গছ উভালি পৰে। চীনৰ চৰকাৰী বাতৰি কাকত গ্ল’বেল টাইমছৰ প্ৰতিবেদন অনুসৰি ইয়াৰ প্ৰভাৱ পুডং জিলাৰ লিংগাং অঞ্চলত দেখা গৈছিল। বিমান, ৰে'ল আৰু বাছ সেৱা বাতিল কৰা হয়। বিদ্যালয়-মহাবিদ্যালয়ত বন্ধ ঘোষণা কৰা হৈছে।
চাংহাই কেন্দ্ৰীয় বতৰ বিজ্ঞান মানৱ নিৰীক্ষণ কেন্দ্ৰই জনোৱা মতে, ৭৫ বছৰীয়া ইতিহাসত চাংহাইত আঘাত কৰা আটাইতকৈ শক্তিশালী আমফান বেবিংকা। গ্ল’বেল টাইমছৰ তথ্য অনুসৰি শনিবাৰে নিশা অহা ধুমুহাই আজি পূব চীনৰ জিয়াংছু প্ৰদেশৰ কিডংৰ উত্তৰ আৰু পূব চীনৰ ঝেজিয়াং প্ৰদেশৰ নিংবোৰ দক্ষিণ অঞ্চলৰ মাজত আঘাত হানিব বুলি আশংকা কৰা হৈছে। দেওবাৰে নিশা ৮ বজাত চাংহাইৰ দুয়োটা বিমানবন্দৰৰ পৰা বিমান সেৱা বাতিল কৰা হয়। ছয়টা ছাবমেট্ৰ’ লাইন আৰু আন ৯টা ছাবমেট্ৰ’ লাইনৰ ফ্লাই অভাৰ ছেকচন আজি বন্ধ থাকিব। দেওবাৰে নিশা ১০ বজাত চাংহাইৰ সৈতে সংযোগী কেইবাটাও ঘাইপথ বন্ধ হৈ পৰে। ইয়াংচে নদীৰ বদ্বীপ পাৰ হৈ যোৱা কিছুমান ৰে’ল বন্ধ কৰি দিয়া হৈছে। আজিও বন্ধ থাকিব চাংহাই ডিজনী ৰিজৰ্ট।
হিন্দুস্থান সমাচাৰ / অৰৱিন্দ
