১৪ এপ্ৰিলত বলীউডৰ অভিনেতা ছলমান খানৰ ঘৰ গেলাক্সি এপাৰ্টমেণ্টৰ বাহিৰত গুলীচালনা সংঘটিত হৈছিল। এই গোচৰত গ্ৰেপ্তাৰ হোৱা বিকি গুপ্তা (২৪) আৰু সাগৰ পাল (২১)ক ১০ দিনৰ আৰক্ষী জিম্মালৈ প্ৰেৰণ কৰা হয়। আৰক্ষীৰ তদন্তত প্ৰকাশ পাইছে যে ছলমানক ভয় খুৱাবলৈ এই ষড়যন্ত্ৰ ৰচনা কৰা হৈছে। এই কথাও পোহৰলৈ আহিছে যে আনমোল বিষ্ণৌই কমেও দুটা মেগজিন অৰ্থাৎ ১৫-২০টা গুলী নিক্ষেপ কৰিবলৈ নিৰ্দেশ দিছিল। ইয়াৰ বাবে আক্ৰমণকাৰীসকলক ভাল মানৰ পিষ্টলও দিয়া হৈছিল। লগতে প্ৰাথমিক তদন্তত প্ৰকাশ পাইছে যে ইয়াৰ বাবে তেওঁক ১ লাখ টকাৰ অগ্ৰিম ধন দিয়া হৈছিল। ইয়াৰ সম্পূৰ্ণ দায়িত্ব লৰেন্স বিষ্ণয়ৰ ভাতৃ আনমোল বিষ্ণোয়ে লৈছিল।
তদন্তত প্ৰকাশ পাইছে যে এই বিষয়ত বিষ্ণুই গেং জড়িত। সমগ্ৰ বিষয়টোত পলাতক হৈ আছে আনমোল বিষ্ণোই। আৰক্ষীয়ে সন্দেহ কৰিছে যে আক্ৰমণকাৰীৰ ভিতৰত এজন সাগৰ পাল লৰেন্স গেঙৰ সংস্পৰ্শত আছিল। পিছত দ্বিতীয় আক্ৰমণকাৰী বিকি গুপ্তাই সাগৰৰ লগত যোগ দিয়ে। এই গোটেই বিষয়টোত লৰেন্স বিষ্ণোইয়ে জেলৰ পৰাই কিবা নিৰ্দেশনা দিছিল নেকি? ইয়াৰ লগত তেওঁ জড়িত নেকি? আৰক্ষীয়ে ইয়াৰ তদন্ত অব্যাহত ৰাখিছে। ইফালে ছলমানৰ ঘৰত গুলীচালনাৰ পিছত তেওঁৰ নিৰাপত্তা বৃদ্ধি কৰা হৈছে। এই বিষয়ৰ পিছতে মুখ্যমন্ত্ৰী একনাথ শিণ্ডে খান পৰিয়ালক সাক্ষাৎ কৰে। ইতিমধ্যে বিষ্ণুই চক্ৰই বহুবাৰ হত্যাৰ ভাবুকি দিছে ছলমানক।
হিন্দুস্থান সমাচাৰ/লোকেশ চন্দ্ৰ/মনোজ
