নতুন দিল্লী, ২৭ মাৰ্চ (হি.স.)। ইণ্ডিয়ান প্ৰিমিয়াৰ লীগ (আই পি এল) ২০২৪ৰ চেন্নাই ছুপাৰ কিংছ (চি এছ কে)ৰ বিৰুদ্ধে খেলখনৰ সময়ত গুজৰাট টাইটানছৰ অধিনায়ক শুভমান গিলক লেহেমীয়া অভাৰ ৰেটৰ বাবে ১২ লাখ টকাৰ জৰিমনা বিহা হৈছে।

বুধবাৰে আই পি এলে জাৰি কৰা এক প্ৰেছ বিজ্ঞপ্তিত কোৱা হৈছে যে আই পি এলৰ আচৰণ বিধি অনুসৰি ন্যুনতম অভাৰ ৰেট অপৰাধৰ সৈতে জড়িত শ্বুবমান গিলৰ দলৰ এই ছিজনৰ প্ৰথমটো অপৰাধ আছিল, সেয়েহে অধিনায়কগৰাকীক ১২ লাখ টকাৰ জৰিমনা বিহা হৈছে।

মেচখনৰ কথা ক’বলৈ গ’লে এই মেচখনত গুজৰাটৰ অধিনায়ক শুভমান গিলে টছত জয়লাভ কৰি প্ৰথমে বলিং কৰাৰ সিদ্ধান্ত লয়।

চেন্নাইয়ে ২০ অভাৰত ৬ উইকেটত ২০৬ ৰান সংগ্ৰহ কৰে মেন অৱ দ্য মেচ শিৱম ডুবেৰ দৰ্শনীয় অৰ্ধশতক (২৩ বলত ২ চাৰি আৰু ৫ ছয়ৰ সহায়ত ৫১ ৰান) আৰু অধিনায়ক ৰুতুৰাজ গাইকোৱাদ (৪৬) আৰু ৰাচিন ৰবীন্দ্ৰ (৪৬)ৰ সুন্দৰ ইনিংছৰ সহায়ত।

প্ৰত্যুত্তৰত ২০ অভাৰত ৮ উইকেটত মাত্ৰ ১৪৩ ৰান সংগ্ৰহ কৰিবলৈ সমৰ্থ হোৱা গুজৰাট দলে ৬৩ ৰানত পৰাস্ত হয়। গুজৰাটৰ হৈ ছাই সুদৰ্শনে ৩৭ ৰান, বৃদ্ধিমান সাহা আৰু ডেভিদ মিলাৰে ২১-২১ ৰান সংগ্ৰহ কৰে।

হিন্দুস্থান সমাচাৰ / সুনীল/মনোজ