জয়পুৰ, ২৯ ডিচেম্বৰ (হি.স.)। ৰাজস্থানৰ কোটপুতলীত ৭ দিনীয়া উদ্ধাৰ অভিযানত এতিয়াও উদ্ধাৰ কৰিব পৰা নাই নলীনাদ সোমাই পৰা চেতনা (৩) নামৰ শিশুটিক। এন ডি আৰ এফৰ জোৱানসকলে ১৭০ ফুট গভীৰতাত সমান্তৰাল সুৰংগ খান্দি আছে যদিও তলত কঠিন শিলৰ বাবে খন্দা কামত অহৰহ পলম হৈছে। যোৱা ২২ ঘণ্টাত মাত্ৰ ৪ ফুট খনন কৰা হৈছে, আনহাতে ৭ ফুট খনন এতিয়াও বাকী আছে।
২৩ ডিচেম্বৰত কোটপুতলীৰ কিৰাটপুৰাৰ বদিয়ালী কী ধনীত ৭০০ ফুট দ নলীনাদত পৰি ১৫০ ফুটত আবদ্ধ হৈ পৰে। স্থানীয় জা–জোগাৰৰ সহায়ত উদ্ধাৰকাৰী দলটোৱে তেওঁক মাত্ৰ ৩০ ফুট ওপৰলৈ আনিবলৈ সক্ষম হয়। প্ৰায় ১৩৭ ঘণ্টা ধৰি ভোক আৰু পিয়াহত থকা নিৰীহ শিশুটিয়ে যোৱা চাৰিদিন ধৰি কোনো লৰচৰ কৰা নাই। এতিয়া তেওঁৰ অৱস্থাৰ বিষয়ে একো কোৱাৰ পৰা বিৰত আছে বিষয়াসকলে।
উদ্ধাৰ অভিযানত ৬ জন এন ডি আৰ এফৰ জোৱান জড়িত হৈ আছে আৰু দুজনীয়া বেচত কাম কৰি আছে। এই অভিযানৰ জটিলতাৰ সন্দৰ্ভত জিলা উপায়ুক্ত কল্পনা আগৰৱালাই কয় যে ৰাজস্থানত আজিলৈকে এইটোৱেই হৈছে আটাইতকৈ কঠিন উদ্ধাৰ অভিযান।
চেতনাৰ ককাদেউতাক শুভ্ৰমে অভিযোগ কৰে যে বিষয়াসকলে প্ৰশ্নৰ উত্তৰ নিদিয়ে। তেওঁ ক’লে যে যেতিয়াই তেওঁ কিবা সুধিব তেতিয়াই কয় যে কলেক্টৰ মেডামে তেওঁক ক’ব। কিন্তু তেওঁ এতিয়াও আমাক লগ কৰিবলৈও অহা নাই।
ইফালে গভীৰতাত কঠিন শিলৰ সন্মুখীন হৈছে উদ্ধাৰকাৰী দলটো। চেতনাৰ পৰিয়ালক এছডিএম ব্রিজেশ চৌধুৰীয়ে কয় যে শিলৰ বাবে সুৰংগটো খান্দিবলৈ বহু সময় লাগিছিল ৷ এন ডি আৰ এফৰ সহকাৰী উপ-পৰিদৰ্শক মহাবীৰ সিঙে কয় যে আমি শিফটত অবিৰতভাৱে কাম কৰি আছো। সকলোৱে সম্পূৰ্ণ শক্তিৰে বাহিৰত আছে, কিন্তু ঠাই টান, গতিকে এটা সময়ত এজন ব্যক্তিয়েহে খান্দিব পাৰে। তেওঁ কয় যে যেতিয়ালৈকে মাটি আছিল তেতিয়ালৈকে কামটো দ্ৰুতগতিত আগবাঢ়িছিল যদিও শিলৰ বাবে মেচিনটোৱে ১৫ ফুট খান্দিবলৈ গোটেই দিনটো সময় লৈছিল। এতিয়া হাতৰ খন্দা কাম চলি আছে, যিটো সময়সাপেক্ষ।
লগতে মহাবীৰ সিঙে কয় যে সা-সৰঞ্জামৰ কোনো অভাৱ নাই। যেতিয়াই প্ৰয়োজন হয় তেতিয়াই চাহিদা তৎক্ষণাত পূৰণ হয়। কিন্তু কামৰ স্বভাৱ এনেকুৱা যে দ্ৰুত কাম কৰাটো ছোৱালীজনীৰ সুৰক্ষাৰ বাবে বিপদজনক হ’ব পাৰে। দলটোৱে এই পৰ্যন্ত ১০ ফুটৰ ভিতৰত ৪ ফুট খান্দি সম্পূৰ্ণ কৰিছে আৰু উদ্ধাৰৰ কাম অব্যাহত আছে। সকলো উদ্ধাৰকাৰীয়ে অপেক্ষাত সাজু হৈ থাকে যাতে কোনো পলম নহয়।
हिन्दुस्थान समाचार / মনোজ কুমাৰ শইকীয়া
