গোলাঘাট, ২৮ ডিচেম্বৰ (হি.স.): আগন্তুক নৱ বৰ্ষ আৰু বনভোজ দলৰ উথপথপৰ মাজতে সৰুপথাৰ সমজিলাৰ অন্তৰ্গত বৰপথাৰত চক্ৰ বিষয়া মনোজ কুমাৰ দলে আৰু বৰপথাৰ আৰক্ষী থানাৰ ভাৰপ্ৰাপ্ত বিষয়া দিগন্ত শইকীয়াৰ নেতৃত্বত শুকুৰবাৰে সন্ধিয়া বাইক ৰাইডাৰ্ছ আৰু হেলমেট পৰিধান নকৰা লোকৰ বিৰুদ্ধে অভিযান চলায় ।

সৰুপথাৰ সম জিলাৰ বৰপথাৰ সৰুপথাৰকে ধৰি বিভিন্ন স্থানত বাইক ৰাইডাৰ্ছৰ অতপালি দিনক দিনে বৃদ্ধি পাই আহিছিল । বৰপথাৰৰ বহু নৱপ্ৰজন্মৰ যুৱকো দুৰ্ঘটনা সংঘটিত হৈ মৃত্যু মুখতো পৰিছিল । দুৰ্ঘটনা ৰোধ কৰাৰ লগতে বাইক ৰাইডাৰ্ছ আৰু হেলমেট পৰিধান নকৰা লোকক হেলমেট পৰিধান কৰাইহে যাবলৈ দিয়ে আৰক্ষীয়ে । এই অভিযান নিয়মিত চলি থাকিব বুলি জানিব পৰা গৈছে ।

হিন্দুস্থান সমাচাৰ / কিশোৰ মিশ্ৰ