কোকৰাঝাৰ, ২৭ ডিচেম্বৰ (হি.স.)। কোকৰাঝাৰ জিলাৰ অন্তৰ্গত ফকিৰাগ্ৰাম মহাবিদ্যালয়ৰ নৱ নিযুক্ত নিয়মীয়া অধ্যক্ষ ডাঃ মনোজ কুমাৰ ব্ৰহ্মৰ বাবে ফকিৰাগ্ৰাম মহাবিদ্যালয়ে অভিনন্দন অনুষ্ঠান অনুষ্ঠিত কৰে। কাৰ্যসূচী মতে অতিথি সকলক আৰোনাই, ফুলাম গামোচা,জাপি শৰাইৰে আদৰণি জনোৱাৰ পাছতে অনুষ্ঠান উদ্বোধন কৰে বিটিআৰৰ কাৰ্যবাহী সদস্য অৰূপ কুমাৰ দেই। মুখ্য অতিথি হিচাপে উপস্থিত থাকে বড়োলেণ্ড বিশ্ববিদ্যালয়ৰ উপাচাৰ্য অধ্যাপক বাবুলাল আহুজা।
উপস্থিত থাকে ফকিৰাগ্ৰাম মহাবিদ্যালয়ৰ নিয়মীয়া অধ্যক্ষ ড: মনোজ কুমাৰ ব্ৰহ্মৰ লগতে সদ্য প্ৰাক্তন অধ্যক্ষ তথা সহযোগী অধ্যাপক ডঃ চানমিয়া আহমেদ, পৰিচালনা সমিতিৰ সভাপতি কৃষ্ণ চন্দ্ৰ নাথ, ফকিৰাগ্ৰাম মহাবিদ্যালয়ৰ প্ৰতিষ্ঠাপক অধ্যক্ষ প্ৰশান্ত কুমাৰ সাহা ৰায়, ফকিৰাগ্ৰাম মহাবিদ্যালয় পৰিচালনা সমিতিৰ প্ৰাক্তন সভাপতিদ্বয় সন্তোলা বসুমতাৰী আৰু পৰমেশ্বৰ ব্ৰহ্ম, এছ ৱাই জি মহাবিদ্যালয়ৰ অধ্যক্ষ ড হাকিম আলী প্ৰামাণিক, শক্তি আশ্ৰম উ:মা: আৰু কাৰিকৰী বিদ্যালয়ৰ অধ্যক্ষ লক্ষণ চন্দ্ৰ দাস, ফকিৰাগ্ৰাম উ:মা: বিদ্যালয়ৰ অধ্যক্ষ সুভাষ চন্দ্ৰ দেবনাথ আৰু বিদ্যালয় পৰিচালনা সমিতিৰ সভাপতি জ্যোতিষ চন্দ্ৰ নাথ, ফকিৰাগ্ৰাম পশু চিকিৎসালয়ৰ চিকিৎসক ডাঃ এইচ আলি, ফকিৰাগ্ৰাম পৌৰ সভাৰ সভাপতি সুৰেন্দ্ৰ কুমাৰ শৰ্মা,কোষাগাৰ বিষয়া সঞ্জয় শৰ্মা আদিকে ধৰি বিভিন্ন বিশিষ্ট ব্যক্তি সকল।
হিন্দুস্থান সমাচাৰ / কিশোৰ মিশ্ৰ
