মানকাচৰ, ২৫ ডিচেম্বৰ (হি.স.): দক্ষিণ শালমাৰাত জিলা আৰক্ষীয়ে পূৱতি নিশাই অবৈধ ড্ৰাগছৰ বিৰুদ্ধে অভিযান চলাই উদ্ধাৰ কৰিছে বুজন পৰিমাণে ড্ৰাগছ। লগতে আটক কৰিছে এগৰাকী ড্ৰাগছ মাফিয়াক ।

উল্লেখ্য যে আজি পূৱতি নিশা দক্ষিণ শালমাৰা আৰক্ষীয়ে এক গোপন খবৰৰ ভিত্তিত শালকাটা গোটলাপাৰা গাঁওৰ জিয়াৰুল মণ্ডল(১৯) ৰ ঘৰত অভিযান চলাই ৭২৯ গ্ৰাম ওজনৰ ৮৬৩ টা নিচাজাতীয় টেবলেট , ১৭০ গ্ৰাম ওজনৰ হেৰ’ইন ভৰ্তী ১০৩টা কণ্টেইনাৰ, ১ টা স্মাৰ্ট ফোনৰ লগতে এএছ ১৭ জে ৯৮৯৩ নম্বৰৰ এখন ২২০ cc ৰ পালচাৰ বাইক* জব্দ কৰে আৰু লগতে আটক কৰে অভিযুক্ত ড্ৰাগছ মাফিয়া জিয়াৰুল মণ্ডলক । সম্প্ৰতি আটকাধীন ড্ৰাগছ মাফিয়া জিয়ৰুল ইছলামক দক্ষিণ শালমাৰা আৰক্ষীয়ে থানালৈ নি অধিক তথ্যৰ বাবে সোধ পোছ অব্যাহত ৰাখিছে বুলি জানিব পৰা গৈছে ।

হিন্দুস্থান সমাচাৰ / কিশোৰ মিশ্ৰ