কামৰূপ, ২৯ নৱেম্বৰ (হি.স.)। কামৰূপৰ সোণতলীৰ গৰৈমাৰী বিলৰজানত আৰক্ষীয়ে ড্ৰাগছৰ বিৰুদ্ধে অভিযান চলায় ৷ অভিযানত জব্দ কৰা হৈছে ড্ৰাগছভৰ্তি ১২টা কণ্টেইনাৰত থকা ১৫ গ্ৰাম নিষিদ্ধ ড্ৰাগছ ৷

সোণতলী আৰক্ষী চকীৰ ভাৰপ্ৰাপ্ত বিষয়া অপূৰ্ব কলিতাৰ নেতৃত্বত বৃহস্পতিবাৰে নিশা গৰৈমাৰীৰ বিলৰজানত চলাইছিল এই অভিযান ৷ অভিযানত আৰক্ষীয়ে ড্ৰাগছসহ আটক কৰে গৰৈমাৰী বিলৰজান গাঁৱৰ জুৱেল হক আলী (২৪) নামৰ ড্ৰাগছ মাফিয়াটোক৷ ধৃত সৰবৰাহকাৰীৰ পৰা আৰক্ষীয়ে ১২টা ড্ৰাগছভৰ্তি কণ্টেইনাৰত থকা ১৫ গ্ৰাম ড্ৰাগছ ৷ লগতে জব্দ কৰে বৃহৎসংখ্যক খালি কণ্টেইনাৰ ৷

ধৃত যুৱকজনক সোণতলী আৰক্ষীয়ে সোধা পোছা অব্যাহত ৰাখিছে ৷

---------------

হিন্দুস্থান সমাচাৰ / প্ৰকাশ ডেকা