লক্ষিমপুৰ, ২০ নৱেম্বৰ (হি.স.)। লক্ষিমপুৰৰ ঢকুৱাখনাৰ ৰাজপথত উদ্ধাৰ কৰা হৈছে এটা ৰক্তাক্ত মৃতদেহ। ঢকুৱাখনা-ঘূণাসুঁতি পথৰ দুলিয়া গাঁৱৰ পেট্ৰল পাম্পৰ সমীপত উদ্ধাৰ হৈছে মৃতদেহটো। মৃতদেহতো মৌখোৱা গাঁৱৰ চিৰঞ্জীৱ টাকু বুলি চিনাক্ত কৰা হৈছে।

জানিব পৰামতে, প্ৰাত:ভ্ৰমণলৈ ওলাই যোৱা লোকজনক অচিনাক্ত বাহনে খুন্দিয়াই থৈ যায়। আৰু ঘটনাস্থলীতে মৃত্যু হয় চিৰঞ্জীৱ টাকু নামৰ লোকজনৰ। ঘটনাস্থলীত ঢকুৱাখনা আৰক্ষী উপস্থিত হৈ মৃতদেহটো উদ্ধাৰ কৰাৰ লগতে ঘটনাৰ সন্দৰ্ভত তদন্ত অব্যাহত ৰাখিছে।

---------------

হিন্দুস্থান সমাচাৰ / প্ৰকাশ ডেকা