চণ্ডীগড়, ১৬ অক্টোবৰ (হি.স.)। আজিৰে পৰা হাৰিয়ানাত নতুন চৰকাৰ গঠনৰ প্ৰক্ৰিয়া আৰম্ভ হ’ব। ৰাজ্যত একেৰাহে তৃতীয়বাৰৰ বাবে ভাৰতীয় জনতা পাৰ্টিয়ে ক্ষমতা দখল কৰিছে। কেন্দ্ৰীয় গৃহ আৰু সমবায় মন্ত্ৰী অমিত শ্বাহৰ উপস্থিতিত তত্ত্বাৱধায়ক মুখ্যমন্ত্ৰী নয়ব সিং ছাইনীক বিজেপি বিধানসভাৰ নেতা হিচাপে নিৰ্বাচিত কৰাৰ আনুষ্ঠানিকতা সম্পূৰ্ণ হ’ব।
প্ৰধানমন্ত্ৰী নৰেন্দ্ৰ মোডীৰ উপস্থিতিত ১৭ অক্টোবৰত দ্বিতীয়বাৰৰ বাবে মুখ্যমন্ত্ৰী হিচাপে শপত গ্ৰহণ কৰিব নৈব ছাইনীয়ে। কালি নতুন চৰকাৰৰ শপতগ্ৰহণৰ প্ৰস্তুতিৰ বুজ লয় ছাইনীয়ে। অমিত শ্বাহ আৰু মধ্যপ্ৰদেশৰ মুখ্যমন্ত্ৰী ড০ মোহন যাদৱৰ উপস্থিতিত অনুষ্ঠিত হ’বলগীয়া বিজেপি বিধায়িনী দলৰ বৈঠকৰ সকলো প্ৰস্তুতি সম্পূৰ্ণ হৈছে।
আজিৰ বৈঠকৰ অন্তত মন্ত্ৰী পৰিষদৰ অংশ হ’বলগীয়া বিধায়কৰ তালিকা ৰাজ্যপালৰ ওচৰত দাখিল কৰা হ’ব। ইয়াৰ পাছতে ১৭ অক্টোবৰত শপতগ্ৰহণৰ বাবে নাইব ছাইনী আৰু মন্ত্ৰীসকলক আমন্ত্ৰণ জনাব ৰাজ্যপালগৰাকীয়ে।
হিন্দুস্থান সমাচাৰ / অৰৱিন্দ
21 Dec 2024
