বৰ্ষ ১৯৮৯ চনৰ ৬ জানুৱাৰী ভাৰতৰ ইতিহাসত এক উল্লেখযোগ্য আৰু স্পৰ্শকাতৰ পৰিঘটনা হিচাপে লিপিবদ্ধ কৰা হৈছে। আজিৰ দিনটোতে প্ৰাক্তন প্ৰধানমন্ত্ৰী ইন্দিৰা গান্ধীৰ হত্যাত দোষী সাব্যস্ত হোৱা সতৱন্ত সিং আৰু কেহৰ সিংক ফাঁচী দিয়া হয়। এই শাস্তি তিহাৰ কাৰাগাৰত পালন কৰি দীঘলীয়া ন্যায়িক প্ৰক্ৰিয়াৰ অন্ত পৰিল।

১৯৮৪ চনৰ ৩১ অক্টোবৰত ইন্দিৰা গান্ধীক প্ৰধানমন্ত্ৰীৰ বাসগৃহত নিজৰ দুজন নিৰাপত্তাৰক্ষী—সতৱন্ত সিং আৰু বন্ত সিঙে গুলীয়াই হত্যা কৰে। ইন্দিৰা গান্ধীয়ে নিজৰ বাসগৃহৰ পৰা ওলাই অহাৰ সময়তে সংঘটিত হয় এই আক্ৰমণ। আক্ৰমণৰ লগে লগে আন নিৰাপত্তাৰক্ষীয়ে থিতাতে বীন্ত সিঙক হত্যা কৰাৰ বিপৰীতে সতৱন্ত সিং গুৰুতৰভাৱে আহত হয় আৰু পিছত গ্ৰেপ্তাৰ হয়।

তদন্তত প্ৰকাশ পাইছে যে কেহৰ সিঙেও এই ষড়যন্ত্ৰত ভূমিকা লৈছিল। দীঘলীয়া বিচাৰ আৰু আপীলৰ অন্তত আদালতে সতৱন্ত সিং আৰু কেহৰ সিঙক দোষী সাব্যস্ত কৰি মৃত্যুদণ্ডৰ শাস্তি প্ৰদান কৰে, যিটো ১৯৮৯ চনৰ ৬ জানুৱাৰীত ৰূপায়ণ কৰা হয়। এই ঘটনা ভাৰতীয় গণতন্ত্ৰৰ ইতিহাসৰ এক কৰুণ অধ্যায় হিচাপে স্মৰণ কৰা হয়।

গুৰুত্বপূৰ্ণ পৰিঘটনা

১৬৬৪ – আজিৰ দিনটোতে ছত্রপতি শিৱাজী মহাৰাজে চুৰাটত আক্ৰমণ কৰে।১৯২৯ – মাদাৰ টেৰেছা ভাৰতৰ প্ৰান্তীয় আৰু দৰিদ্ৰ জনসাধাৰণৰ সেৱা কৰিবলৈ কলিকতা (বৰ্তমান কলকাতা)লৈ উভতি আহে।১৯৪৭ – ভাৰতীয় জাতীয় কংগ্ৰেছ কমিটীয়ে ভাৰত বিভাজন মানি লয়।১৯৫০ – ব্ৰিটেইনে চীনৰ কমিউনিষ্ট চৰকাৰক স্বীকৃতি দিয়ে।১৯৭৬ – চীনে লপ ন’ৰ অঞ্চলত পাৰমাণৱিক পৰীক্ষা সম্পন্ন কৰে।১৯৮০ – সপ্তম লোকসভা নিৰ্বাচনত ইন্দিৰা গান্ধীৰ নেতৃত্বত কংগ্ৰেছ দলে দুই তৃতীয়াংশ সংখ্যাগৰিষ্ঠতা লাভ কৰে।১৯৮৩ – আজিৰ দিনটোতে অন্ধ্ৰপ্ৰদেশ আৰু কৰ্ণাটকৰ বিধানসভা নিৰ্বাচনত ভাৰতীয় জাতীয় কংগ্ৰেছে প্ৰথমবাৰৰ বাবে পৰাজয়ৰ সন্মুখীন হয়।১৯৮৯ – ইন্দিৰা গান্ধীৰ হত্যাকাণ্ডৰ অভিযুক্ত দুই সতৱন্ত সিং আৰু কেহৰ সিংক ফাঁচী দিয়া হয়।২০০২ – আজিৰ দিনটোতে ভাৰতে সীমান্ত পাৰ হৈ যোৱা পাকিস্তানী চোৰাংচোৱা বিমান গুলীয়াই নিক্ষেপ কৰে।২০০২ – ছাৰ্ক শীৰ্ষ সন্মিলনৰ সামৰণি পৰে।২০০২ - কাঠমাণ্ডু ঘোষণাপত্ৰত সন্ত্ৰাসবাদ নিৰ্মূলৰ ওপৰত গুৰুত্ব আৰোপ কৰা হয়, ভাৰতৰ বাবে ৰাজনৈতিক সফলতা।২০০২ – ব্ৰিটিছ প্ৰধানমন্ত্ৰী টনি ব্লেয়াৰ আৰু ভাৰতৰ প্ৰধানমন্ত্ৰী অটল বিহাৰী বাজপেয়ীৰ মাজত আলোচনাৰ অন্তত দিল্লী ঘোষণাপত্ৰত স্বাক্ষৰ কৰা হয়।২০০২ – বাংলাদেশৰ মুদ্ৰাৰ পৰা শ্বেখ মুজিবুৰ ৰহমানৰ প্ৰতিকৃতি আঁতৰোৱা হয়।২০০২ – আমেৰিকা যুক্তৰাষ্ট্ৰৰ এটা অট্টালিকাত আন এখন বিমান দুৰ্ঘটনাগ্ৰস্ত হয়।২০০৩ – ৰাছিয়াই আমেৰিকাক ৰাষ্ট্ৰসংঘৰ অনুমতি অবিহনে ইৰাকৰ বিৰুদ্ধে সামৰিক ব্যৱস্থা গ্ৰহণ নকৰিবলৈ সকীয়াই দিয়ে।২০০৭ – উত্তৰ প্ৰদেশৰ হিন্দী ইনষ্টিটিউটে বাৰ্ষিক সাহিত্য বঁটাৰ অংশ হিচাপে কেদাৰনাথ সিঙক ২০০৭ চনৰ ভাৰত ভাৰতী সন্মান প্ৰদান কৰাৰ কথা ঘোষণা কৰে।২০০৮ – ৰাজ্যসভাৰ সদস্য তথা বেংগালুৰুস্থিত উদ্যোগী তথা মূলধন আৰু বিনিয়োগ সংস্থা জুপিটাৰ কেপিটেলৰ অধ্যক্ষ আৰু মুখ্য কাৰ্যবাহী বিষয়া ৰাজীৱ চন্দ্ৰশেখৰক ফিচিচিৰ সভাপতি হিচাপে নিযুক্তি দিয়া হয়।২০০৮ – আমেৰিকাৰ পশ্চিম উপকূলত হাৰিকেনে ব্যাপক ধ্বংসলীলাৰ সৃষ্টি কৰে।২০১০ – নতুন দিল্লীৰ যমুনা বেংক-আনন্দ বিহাৰ অংশত মেট্ৰ’ ৰে’ল চলাচল আৰম্ভ হয়।২০১২ - ছিৰিয়াৰ ৰাজধানী ডামাস্কাছত সংঘটিত আত্মঘাতী আক্ৰমণত ২৬ জন লোক নিহত আৰু ৬৩ জন আহত হয়।

জন্ম

১৮৮৩– খলিল জিব্ৰান - বিশ্বৰ অন্যতম শ্ৰেষ্ঠ চিন্তাবিদ আৰু কবি হিচাপে খ্যাতি অৰ্জন কৰা এজন মহান দাৰ্শনিক।১৯১০ – ভাৰতীয় কৰ্ণাটক সংগীতজ্ঞ জি এন বালাসুব্ৰমণিয়াম।১৯১৩ – এডৱাৰ্ড গিয়েৰেক - পোলেণ্ডৰ প্ৰথম সচিব।১৯১৮ – বলীউডৰ বিখ্যাত গীতিকাৰ ভাৰত ব্যাস।১৯২৮ – বিজয় তেণ্ডুলকাৰ - ভাৰতীয় নাট্যকাৰ আৰু নাট্য ব্যক্তিত্ব।

১৯৩২ – কমলেশ্বৰ - বিখ্যাত হিন্দী সাহিত্যিক১৯৪০ - নৰেন্দ্ৰ কোহলী - বিখ্যাত সাহিত্যিক।১৯৪৯ – বানা সিং - ভাৰতীয় সেনাৰ সুবেদাৰ, পৰম বীৰ চক্ৰৰে সন্মানিত।১৯৪৯ - গুলাব কোথাৰী - ভাৰতীয় সাংবাদিক, সাহিত্যিক আৰু 'ৰাজস্থান পত্ৰিকা'ৰ প্ৰধান সম্পাদক।১৯৫১ – ৰবি নাইক - ভাৰতীয় জাতীয় কংগ্ৰেছৰ ৰাজনীতিবিদ তথা গোৱাৰ প্ৰাক্তন মুখ্যমন্ত্ৰী।১৯৫৭ - আমিৰ ৰাজা হুছেইন - ভাৰতীয় মঞ্চ অভিনেতা আৰু পৰিচালক।১৯৫৯ - ভাৰতীয় ক্ৰিকেট দলৰ প্ৰাক্তন অধিনায়ক কপিল দেৱ।১৯৬৫ – জয়ৰাম ঠাকুৰ - ৰাজনীতিবিদ আৰু হিমাচল প্ৰদেশৰ ত্ৰয়োদশ মুখ্যমন্ত্ৰী।১৯৬৬ – এ.আৰ. ৰহমান, অস্কাৰ বিজয়ী ভাৰতীয় সংগীতজ্ঞ১৯৭১ - মধু কোদা - ভাৰতৰ ঝাৰখণ্ড ৰাজ্যৰ প্ৰাক্তন পঞ্চম মুখ্যমন্ত্ৰী।১৯৯৬ – কিষাণ শ্ৰীকান্ত, চলচ্চিত্ৰ পৰিচালক, অভিনেতা

মৃত্যু

১৩১৬ – আলাউদ্দিন খিলজী - খিলজী বংশৰ চুলতান।১৮৪৭ – ত্যাগৰাজ - কৰ্ণাটক সংগীতৰ প্ৰখ্যাত কবি আৰু সংগীতজ্ঞ।১৮৫২ – লুই ব্ৰেইল - অন্ধ লোকৰ বাবে ব্ৰেইল লিপি তৈয়াৰ কৰা বিখ্যাত ব্যক্তি।১৮৮৫ – আজিৰ দিনটোতে আধুনিক হিন্দী সাহিত্যৰ পথ প্ৰদৰ্শক ভাৰতেন্দু হৰিশচন্দ্ৰই হৰিশচন্দ্ৰ আলোচনী আৰু কবিবাচন সুধা আদি আলোচনী প্ৰকাশ কৰি আন্ধেৰনগৰী আৰু ভাৰত দুৰ্দাশৰ দৰে বহু নাটক ৰচনা কৰে।১৯৫২ – অনিল বৰাণ ৰায় - বংগৰ বিখ্যাত সমাজবাদী কৰ্মী।১৯৭১ – পি.চি. সৰকাৰ - ভাৰতৰ বিখ্যাত যাদুকৰ।১৯৮৭ - জয়দেৱ - ভাৰতীয় সংগীতজ্ঞ আৰু শিশু অভিনেতা।২০০৮ - প্ৰমোদ কৰণ ছেঠী - বিখ্যাত ভাৰতীয় চিকিৎসক।২০০৯ - গুলাম মহম্মদ শ্বাহ - জম্মু-কাশ্মীৰৰ প্ৰাক্তন অষ্টম মুখ্যমন্ত্ৰী।২০১৭ - ওম পুৰী - বিখ্যাত হিন্দী চলচ্চিত্ৰ অভিনেতা।২০২০ - মিনতি মিশ্ৰ - বিখ্যাত ভাৰতীয় ওডিচি নৃত্যশিল্পী।

हिन्दुस्थान समाचार / মনোজ কুমাৰ শইকীয়া