মৰিগাঁও, ১৫ অক্টোবৰ (হি.স.)। মৰিগাঁও জিলাৰ মৈৰাবাৰীৰ আৰক্ষীৰ পৰিদৰ্শক পংকজ দাসৰ নেতৃত্বত চলা এক অভিযানত মৈৰাবাৰীৰ বি এম পেট্ৰল পামৰ নিকটৱৰ্তীৰ পৰা মহেন্দ্ৰ জিতো গাড়ী এখনৰ পৰা যোগান বিভাগৰ প্ৰায় ২০ কুইন্টলতকৈ অধিক চোৰাং চাউল জব্দ কৰিবলৈ সক্ষম হয়। সোমবাৰে নিশা এই চোৰাং চাউলখিনি জব্দ কৰাৰ লগতে এএছ ০২ চিচি ৫৯৭১ নম্বৰৰ মহিন্দ্ৰ গাড়ীখনৰ সৈতে চালক মুস্তাক আহমেদকো আৰক্ষীয়ে আটক কৰে।
গাড়ী খনত ড্ৰামৰ তলত লুকাই অবৈধ বাবে চাউল খিনি বিক্ৰী কৰিবলৈ যাওঁতেই মৈৰাবাৰী আৰক্ষীয়ে কৰায়ত্ত কৰে। ইফালে দলৈগাঁও আৰু লোচনাবৰী সমবায় সমিতিৰ একাংশ এজেণ্টৰ পৰা চোৰাংকৈ চৰকাৰী চাউল বিভিন্ন কাইদাৰে বহি: ৰাজ্যলৈ বিক্ৰী কৰাৰ অভিযোগ উত্থাপিত হৈছে।
আনহাতে দলৈগাঁও সমবায় সমিতিৰ অধ্যক্ষই চাউল চুৰি হোৱা সন্দৰ্ভত জনোৱা অনুসৰি অধ্যক্ষই এই বিষয়ে একো জ্ঞাত নহয়। ইফালে চাউল চুৰি কাণ্ডৰ সৈতে দলৈগাঁও আৰু লোচনাৱৰী সমবায় সমিতিৰ একাংশ এজেন্ট জড়িত থকাৰ সন্দেহ প্ৰকাশ কৰা হৈছে।
---------------
হিন্দুস্থান সমাচাৰ / Narayan Kar
