বলীউডৰ প্ৰবীণ অভিনেত্ৰী নীনা গুপ্তা হৈ পৰিছে আইতা। একমাত্ৰ কন্যা মাছাবা গুপ্তা মাতৃ হৈ পৰিছে। নীনা গুপ্তাই তেওঁৰ নাতিনীয়েকৰ সৈতে এখন সুন্দৰ ফটো শ্বেয়াৰ কৰিছে। আইতা হৈ পৰা নীনাৰ সুখৰ কোনো সীমা নাই।
বিখ্যাত অভিনেত্ৰী তথা ফেশ্বন ডিজাইনাৰ মাছাবা গুপ্তাই যোৱা ১১ অক্টোবৰ শুকুৰবাৰে কন্যা সন্তান জন্ম দিয়ে। মাছাবা আৰু তেওঁৰ স্বামী সত্যদীপ মিশ্ৰ এতিয়া এগৰাকী মৰমলগা কন্যাৰ পিতৃ-মাতৃ। মাছাবা আৰু সত্যদীপে ইনষ্টাগ্ৰামত এটা পোষ্ট শ্বেয়াৰ কৰি এই ভাল খবৰ দিলে। এতিয়া নীনা গুপ্তাৰ এই পোষ্টটোৱে দৃষ্টি আকৰ্ষণ কৰিছে।
নাতিনীয়েকৰ সৈতে নিজৰ ঘনিষ্ঠ ফটো শ্বেয়াৰ কৰিছে নীনা গুপ্তাই। তেওঁ এই ফটোখন শ্বেয়াৰ কৰিছে ‘মোৰ ছোৱালীৰ ছোৱালী’ বুলি কেপচন দি। এই ফটোখনত মৃণাল ঠাকুৰ,দিয়া মিৰ্জা, সুনীতা ৰাজৱাৰ, দৰ্শন কুমাৰ, জৰীণ খানে মন্তব্য কৰিছে। নীনা গুপ্তাৰ এই পোষ্টটোত অনুৰাগীয়ে লাইক আৰু কমেন্টৰ বৰষুণ দিছে।
২০২৩ চনৰ জানুৱাৰী মাহত অতি সাধাৰণভাৱে বিবাহপাশত আবদ্ধ হয় মাছাবা গুপ্তা আৰু সত্যদীপ মিশ্ৰ। এই দুয়োৰে দ্বিতীয় বিবাহ। তেওঁৰ বিয়াত তেওঁৰ পৰিয়ালৰ লোক উপস্থিত থাকে। মাছাবাৰ পিতৃ ক্ৰিকেটাৰ ভিভিয়ান ৰিচাৰ্ডছেও বিয়াত অংশগ্ৰহণ কৰে। ২০২৪ চনৰ এপ্ৰিল মাহত ইনষ্টাগ্ৰামত এটা পোষ্ট শ্বেয়াৰ কৰি এই ভাল খবৰটো শ্বেয়াৰ কৰিছিল দম্পতীহালে যে তেওঁলোক পিতৃ-মাতৃ হ’ব। এতিয়া তেওঁলোকৰ ঘৰলৈ আহিছে কণমানি ছোৱালী এজনী।
হিন্দুস্থান সমাচাৰ / অৰৱিন্দ
