দৰং, ২১ ডিচেম্বৰ (হি.স.): দৰঙৰ দলগাঁৱত নৱ প্ৰজন্মৰ হাৰ্ট থ্ৰপ জুবিন গাৰ্গক নিচেই কাষৰপৰা চাবলৈ হেজাৰ হেজাৰ অনুৰাগীৰ ভিৰ দেখিবলৈ পোৱা যায় ৷ অসমৰ জনপ্ৰিয় কন্ঠ শিল্পী জুবিন গাৰ্গক চাবলৈ দলগাঁৱৰ ১৫ নং ৰাষ্ট্ৰীয় ঘাইপথৰ কাষত ভিৰ কৰে হেজাৰ হেজাৰ জুবিন অনুৰাগীয়ে।

উল্লেখ্য় যে দলগাঁৱত নতুনকৈ এম বি টিভি এছৰ শ্ব ৰূম এটা মুকলি কৰিবলৈ দলগাঁৱত উপস্থিত হয় শুক্ৰবাৰে সন্ধিয়া জনপ্ৰিয় কণ্ঠশিল্পী জুবিন গাৰ্গ। দুপৰীয়াৰ পৰা নিশালৈ জুবিনৰ বাবে অপেক্ষা কৰি থাকে অনুৰাগীসকল ৷ শিল্পীগৰাকীৰ উপস্থিতিত উৎফুলিত হৈ পৰে অনুৰাগীসকল |ইপিনে শিল্পীগৰাকীয়ে গুৱাহাটীত সাংবাদিকক আক্ৰমণৰ ঘটনা সন্দৰ্ভত প্ৰতিক্ৰিয়া প্ৰকাশ কৰে।

হিন্দুস্থান সমাচাৰ / কিশোৰ মিশ্ৰ