নগাঁও, ৩০ জুলাই (হি.স.)। নগাঁও জিলাৰ ৰূপহীহাটৰ শিঙিমাৰী উন্নয়ন খণ্ডৰ সন্মুখত পহু চিকিৎসালয়ত সংঘটিত হৈছে এক চাঞ্চল্যকৰ ঘটনা। চিকিৎসালয় খনৰ চৌহদত উদ্ধাৰ কৰা হৈছে অৰ্ধগলিত অৱস্থাত অচিনাক্ত মৃতদেহ এটি । পথেৰে অহা যোৱা কৰা পথচাৰীয়ে দূৰ্গোন্ধ পাই বিচাৰি প্ৰত্যক্ষ কৰে অৰ্ধ গলিত অৱস্থাত পৰি থকা মৃতদেহ।

উদ্ধাৰ হোৱা মৃতদেহক কেন্দ্ৰ কৰি সমগ্ৰ অঞ্চলত তীব্ৰ চাঞ্চল্য বিৰাজ কৰিছে । ঘটনাস্থলীত আৰক্ষী উপস্থিত হৈ মৃতদেহটো উদ্ধাৰ কৰে যদিও চিনাক্ত হোৱা নাই মৃতদেহটো । অৱশ্যে স্থানীয় ৰাইজৰ সন্দেহ কৰা অনুসৰি মৃত লোকজন এগৰাকী মানসিক বিকাৰগ্ৰস্ত লোক আৰু দীৰ্ঘদিন ধৰি এই অঞ্চলত গুৰি ফুৰিছিল।

---------------

হিন্দুস্থান সমাচাৰ / নিৰ্মলেন্দু