বিশ্বনাথ, ২৯ জুলাই (হি.স.)। আজি আন্তৰ্জাতিক বাঘ দিৱস । বিশ্বনাথতো পালন কৰা হয় আন্তজাৰ্তিক বাঘ দিৱস । এই দিৱসটিৰ লগত সংগতি ৰাখি কাজিৰঙা ৰাষ্ট্ৰীয় উদ্যান আৰু বাঘ সংৰক্ষিত অঞ্চল বিশ্বনাথ বন্যপ্ৰাণী খণ্ডৰ উদ্যোগত আয়োজন কৰা হ'ল টাইগাৰ কাপ ফুটবল প্ৰতিযোগিতাৰ ।

উল্লেখ্য যে এই দিৱসটিৰ মূল উদ্দেশ্য হৈছে বিশ্বজুৰি বাঘৰ সংৰক্ষণ, বাঘৰ প্ৰাকৃতিক আবাসস্থলৰ সুৰক্ষা আৰু অবৈধ চিকাৰ তথা বেহা ৰোধ কৰাৰ প্ৰয়োজনীয়তা সম্পৰ্কে জনসচেতনতা বৃদ্ধি কৰা । এনেধৰণে ফুটবল প্ৰতিযোগিতাৰ জৰিয়তে ৰাইজৰ মাজত সজাগতা সৃষ্টিৰ উদ্দেশ্যে বিশ্বনাথ বন্যপ্ৰাণী সংমণ্ডলে দিনজোৰা কাৰ্যসূচীৰে গলিয়া খেলপথাৰত অনুষ্ঠিত কৰে ।

হিন্দুস্থান সমাচাৰ / কিশোৰ মিশ্ৰ