গোৱালপাৰা, ২৯ জুলাই (হি.স.)। গোৱালপাৰাৰ ধুমেৰঘাট আৰক্ষী চকীৰ আৰক্ষীয়ে অভিযান চলাই ড্ৰাগছসহ এজন সৰবৰাহকাৰীক আটক কৰে । এক গোপন খৱৰৰ ভিত্তিত ধুমেৰঘাট আৰক্ষী চকীৰ আৰক্ষী বিষয়া সুকেশ ঘোষৰ নেতৃত্বত আৰক্ষীৰ দলে লক্ষীপুৰ - খলিচাভিটা সংযোগী পথৰ দাপকাৰ ভিটা ঈদগাহৰ কাষতে অভিযান চলাই শাহেৰা খাতুন নামৰ মহিলা ড্ৰাগছ ব্যৱসায়ীৰ কৱলৰ পৰা ৪৭ টা ড্ৰাগছ ভৰ্তি কণ্টেইনাৰ উদ্ধাৰ কৰে ।

ইয়াৰ পিছত মহিলা গৰাকীৰ গৃহত অভিযান চলাই আৰু ২৮ টাসহ মুঠ ৭৫ টা ড্ৰাগছ ভৰ্তি কণ্টেইনাৰ আৰু ছাৱনৰ বাকচ অৰ্থাৎ প্লাষ্টিকত ৰখা ৯,১৭ গ্ৰাম ড্ৰাগছ উদ্ধাৰ কৰে । আৰক্ষীয়ে জব্দ কৰা ড্ৰাগছৰ পৰিমাণ প্ৰায় ১০০ গ্ৰাম হ'ব আৰু ইয়াৰ বজাৰ মূল্য পাঁচ লক্ষাধিক টকাত কৈ অধিক হ'ব বুলি অনুমান কৰা হৈছে । ধৃত মহিলা গৰাকীৰ ঘৰ দাপকাৰ ভিটা গাওঁত । আৰক্ষীয়ে ড্ৰাগছসহ মহিলা গৰাকীক আটক কৰে ।

হিন্দুস্থান সমাচাৰ / প্ৰকাশ ডেকা