নলবাৰী, ২৯ জুলাই (হি.স.)। উজনি অসমৰ বন্যাৰ্তক এমুঠি অন্ন আৰু পশুধনৰ আহাৰৰ বাবে নলবাৰীৰ মৰোৱা মাধাপুৰ বজাৰত দোকানে দোকানে , জনতাৰ পদুলিয়ে পদুলিয়ে সাহাৰ্য্য বিচাৰি ওলাই আহিছে কণ্ঠশিল্পী মহেন্দ্ৰ হাজৰিকা ।কণ্ঠশিল্পী গৰাকীক সংগ দিয়ে অগপ নেতা জাহিৰ আলম চৌধুৰী , মাধাপুৰ যুৱক সংঘ , বৰকুৰিহা যুৱ সমাজকে আদি কৰি বহু স্বতষ্ফূৰ্ত ৰাইজে ।

দূৰ্যোগৰ এনে এক সময়চোৱাত বন্যাৰ্তৰ হকে সকলোকে ওলাই আহি কিছু সাহাৰ্য্য যোগান কৰাৰ আহ্বান কণ্ঠশিল্পী মহেন্দ্ৰ হাজৰিকাৰ । শিল্পী গৰাকীয়ে গীত গাই আহ্বান জনাইছে । আৰু ৰাইজে সহাৰিও জনাইছে । ৰাইজৰ সহাৰি দেখি কণ্ঠশিল্পী গৰাকীয়ে উৎফুল্লিত হৈ লোকসকলক সলাগ লয় ।হাজোৰ পৰা পোনে পোনে নলবাৰীৰ মৰোৱাত এনেদৰে প্ৰতিখন দোকান , ৰাইজৰ ওচৰলৈ সাহাৰ্য বাকচ লৈ সহায় বিচাৰিছে কণ্ঠশিল্পী গৰাকীৰ লগতে সংগী বৃন্দই ।

হিন্দুস্থান সমাচাৰ / কিশোৰ মিশ্ৰ