- ট্ৰাম্প পৰিয়ালক লক্ষ্য কৰি লগালে বিতৰ্কিত হৰ্ডিং

তেহৰাণ, ১৮ জুলাই (হি.স.)। প্ৰায় এমাহ পূৰ্বে আমেৰিকাৰ সৈতে হোৱা চুক্তিৰ পৰা ইৰানে প্ৰত্যাহাৰ কৰাৰ কথা ঘোষণা কৰিছে। ইৰাণৰ উপ-বিদেশ মন্ত্ৰী কাজেম ঘৰীবাবাডীয়ে কয় যে আমেৰিকাই নিজেই এই চুক্তি উলংঘা কৰিছে, আৰু সেয়েহে তেহৰানে আৰু ইয়াৰ চৰ্তসমূহ মানি নল’ব।

কেইবা সপ্তাহ ধৰি সামৰিক উত্তেজনাৰ অন্তত দুয়োখন দেশৰ মাজত এই চুক্তিত উপনীত হোৱাৰ ফলত ব্যাপক আলোচনাৰ আশাৰ সৃষ্টি হয়। কিন্তু যোৱা কিছুদিনত দুয়োপক্ষৰ মাজত পুনৰ আক্ৰমণ আৰু উত্তেজনা বৃদ্ধি পোৱাৰ ফলত এই চুক্তি কাৰ্যতঃ অকাৰ্যকৰী হৈ পৰিছে। যোৱা সপ্তাহত আমেৰিকাৰ ৰাষ্ট্ৰপতি ড’নাল্ড ট্ৰাম্পেও উল্লেখ কৰিছিল যে তেওঁৰ মতে ইৰাণৰ সৈতে যুদ্ধবিৰতি এতিয়া শেষ হৈছে।

ইফালে, তেহৰাণত এখন নতুন বিতৰ্কিত হৰ্ডিং স্থাপন কৰা হৈছে, য’ত আমেৰিকাৰ ৰাষ্ট্ৰপতি ট্ৰাম্প আৰু তেওঁৰ পৰিয়ালৰ সদস্যসকলক কফিনত অংকন কৰা হৈছে। কফিনবোৰত আমেৰিকাৰ পতাকা ঢাকি থোৱা আছে আৰু পটভূমিত হোয়াইট হাউছৰ চিত্ৰ অংকন কৰা হৈছে, জুইৰ শিখাই আগুৰি ধৰিছে। এই হৰ্ডিঙত পাৰ্চী ভাষাত তেজৰ বিনিময়ত তেজ শ্লোগানও আছে।

এই হৰ্ডিং স্থানত ট্ৰাম্প, তেওঁৰ পত্নী মেলানিয়া ট্ৰাম্প আৰু তেওঁলোকৰ পাঁচটা সন্তানৰ ছবিও সন্নিবিষ্ট কৰা হৈছে। ট্ৰাম্পক লক্ষ্য কৰি ইৰাণত দ্বিতীয়বাৰৰ বাবে ৰাজহুৱাভাৱে এনে হৰ্ডিং প্ৰদৰ্শিত হৈছে। ইয়াৰ পূৰ্বেও তেহৰাণৰ এংগেলব চৌহদত ট্ৰাম্পক কফিনত থকা এখন পোষ্টাৰ লগোৱা হৈছিল।

হিন্দুস্থান সমাচাৰ / মনোজ কুমাৰ শইকীয়া