বক্স অফিচত বৰ্তমান দক্ষিণ ভাৰতীয় আৰু বলীউড ছবিৰ মাজত এক আকৰ্ষণীয় প্ৰতিযোগিতা দেখা গৈছে। ৰাম চৰণৰ ক্ৰীড়া একচন নাটক পেড্ডী য়ে ভাল প্ৰদৰ্শন অব্যাহত ৰখাৰ বিপৰীতে বৰুণ ধাৱনৰ ৰোমান্টিক কমেডী হায় জৱানী তোহ ইছক হোনা হায় ছবিয়েও দৰ্শকক থিয়েটাৰলৈ আকৰ্ষণ কৰাত সফল হৈছে। ইফালে ববি দেউলৰ বান্দৰয়ে যেন উপাৰ্জনৰ ক্ষেত্ৰত সংগ্ৰাম কৰি আছে। ব্যৱসায়িক সপ্তাহৰ আৰম্ভণিতে তিনিওখন ছবিৰ বক্স অফিচৰ তথ্য প্ৰকাশ পাইছে।
বাণিজ্যিক বাতৰি অনুসৰি ৪ জুনত মুক্তি পোৱা পেড্ডিই পঞ্চম দিনটোত অৰ্থাৎ প্ৰথম সোমবাৰে ১২.০৫ কোটি টকা উপাৰ্জন কৰে। ইয়াৰ ভিতৰত তেলেগু সংস্কৰণৰ পৰা ১০.৪০ কোটি, হিন্দীৰ পৰা ১.৪০ কোটি, তামিলৰ পৰা ১.৫ লাখ, কানাড়াৰ পৰা ৭ লাখ, আৰু মালয়ালমৰ পৰা ৩ লাখ অন্তৰ্ভুক্ত। ইয়াৰ লগে লগে ছবিখনৰ ঘৰুৱা নেট সংগ্ৰহ ১৬৯.৭০ কোটি হৈছেগৈ। বিশ্বজুৰি ২৪৮.৯২ কোটি টকা উপাৰ্জন কৰা ছবিখনে অতি সোনকালে ২০০ কোটি টকাৰ ঘৰুৱা ক্লাবত যোগদানৰ পথত।
আনহাতে, বৰুণ ধাৱন, মৃণাল ঠাকুৰ, আৰু পূজা হেগড়ে অভিনীত হাই জৱানী তোহ ইছক হোনা হায়ৰ উপাৰ্জন হ্ৰাস পায় সোমবাৰে। চতুৰ্থ দিনটোত ছবিখনে ৩.৫০ কোটি উপাৰ্জন কৰাৰ বিপৰীতে দেওবাৰে ৯ কোটি উপাৰ্জন কৰিছিল। ইয়াৰ ফলত ছবিখনৰ বক্স অফিচৰ মুঠ সংগ্ৰহ ২৭.৫০ কোটি হৈছে। ইফালে ববি দেউলৰ বান্দৰ ছবিখনে দৰ্শকক আকৰ্ষণ কৰাত ব্যৰ্থ হয়। চতুৰ্থ দিনটোত ছবিখনে মাত্ৰ ৩০ লাখ টকা উপাৰ্জন কৰি মুঠ সংগ্ৰহ ২.৭৫ কোটি টকালৈ বৃদ্ধি কৰে। বক্স অফিচত বৰ্তমান পেড্ডিৰ হাতত আছে।
হিন্দুস্থান সমাচাৰ / অৰৱিন্দ
