নতুন দিল্লী, ৩০ জুন (হি.স.)। দিল্লী আৰক্ষীৰ বিদেশী কোষে আজাদপুৰ অঞ্চলৰ পৰা দুজন বাংলাদেশী অনুপ্ৰৱেশকাৰীক আটক কৰে। ইয়াৰে এজন অভিযুক্তক যোৱা বছৰ গ্ৰেপ্তাৰ কৰি বাংলাদেশলৈ বিতাড়িত কৰা হৈছিল যদিও তেওঁ পুনৰ ভাৰতত প্ৰৱেশ কৰিছিল। ধৃত অভিযুক্তৰ পৰা নিষিদ্ধ আই এম অ’ এপ থকা দুটা স্মাৰ্টফোন, বাংলাদেশী পৰিচয় পত্ৰ, জলকীয়া স্প্ৰে’ৰ কেন উদ্ধাৰ কৰা হৈছে।
উত্তৰ-পশ্চিম জিলাৰ উপ-আয়ুক্ত আকাংক্ষা যাদৱে মঙলবাৰে কয় যে ধৃত অভিযুক্তক মহম্মদ ৰুহুল আমিন ওৰফে তুলি দাস আৰু এম ডি জিবন মিয়ান ওৰফে লিলি বুলি চিনাক্ত কৰা হৈছে। দুয়োজনেই বাংলাদেশী নাগৰিক আৰু ভাৰতত থাকিবলৈ বৈধ ভ্ৰমণ নথি-পত্ৰ অবিহনে উদ্ধাৰ কৰা হয়।
যোৱা ২৫ জুনৰ পুৱা মহেন্দ্ৰ পাৰ্ক থানা এলেকাৰ ভিতৰত আজাদপুৰ অঞ্চলৰ এন এছ মণ্ডিত দুজন বাংলাদেশী নাগৰিকে অবৈধভাৱে বাস কৰি থকাৰ খবৰ পোৱা গৈছিল। এই তথ্যৰ ভিত্তিত পৰিদৰ্শক বিপিন কুমাৰৰ নেতৃত্বত আৰক্ষীৰ এটা দলে অঞ্চলটোত অভিযান চলাই দুয়োকে আটক কৰে।
তদন্তত প্ৰকাশ পাইছে যে ২০২৫ চনৰ জুন মাহত উত্তৰ-পশ্চিম জিলা আৰক্ষীৰ বিদেশী কোষেও ৰুহুল আমিনক গ্ৰেপ্তাৰ কৰিছিল।আইনী প্ৰক্ৰিয়া সম্পূৰ্ণ কৰাৰ পিছত তেওঁক বাংলাদেশলৈ বিতাড়িত কৰা হৈছিল যদিও তেওঁ পুনৰ অবৈধভাৱে ভাৰতত প্ৰৱেশ কৰি মহেন্দ্ৰ পাৰ্ক অঞ্চলত বাস কৰিছিল। আৰক্ষীয়ে তেওঁক পুনৰ অনুসন্ধান কৰি গ্ৰেপ্তাৰ কৰে।
জেৰাৰ সময়ত অভিযুক্তই প্ৰকাশ কৰে যে তেওঁলোকে নিশা হিজড়া ব্যক্তিৰ বেশত দিল্লীৰ আজাদপুৰ মাণ্ডী অঞ্চলত গ্ৰাহকক আকৰ্ষণ কৰিব। লগতে গ্ৰাহকৰ ওপৰত জলকীয়া স্প্ৰে ব্যৱহাৰ কৰাৰ অভিযোগ। ৰুহুল আমিনৰ বেগৰ পৰা উদ্ধাৰ হৈছে এটা জলকীয়া স্প্ৰে’ৰ কেন। দ্বিতীয় অভিযুক্তই জিবন মিয়ান অঞ্চলত ৰান্ধনীৰ কাম কৰিছিল, আৰু দুয়ো একেলগে বাস কৰিছিল। লগতে আৰক্ষীয়ে দুয়ো অভিযুক্তৰ হাতত থকা নিষিদ্ধ আইএমঅ’ এপ ইনষ্টল কৰা আৰু বাংলাদেশী পৰিচয় পত্ৰ থকা দুটা স্মাৰ্টফোন উদ্ধাৰ কৰে।
দুয়োকে বিদেশী আঞ্চলিক পঞ্জীয়ন কাৰ্যালয় (এফ আৰ আৰ অ’)ৰ আগত হাজিৰ কৰি বিতাড়নৰ প্ৰক্ৰিয়া আৰম্ভ কৰা হৈছে। আৰক্ষীয়ে এতিয়া তদন্ত চলাইছে যে দুয়োজন লোক কাৰ সংস্পৰ্শত আছিল, কোনে তেওঁলোকক অবৈধভাৱে ভাৰতত প্ৰৱেশ কৰাত সহায় কৰিছিল, আৰু এই নেটৱৰ্কৰ সৈতে আন কোনো লোক জড়িত নেকি। তদন্ত অব্যাহত আছে।
-----------
হিন্দুস্থান সমাচাৰ / অৰৱিন্দ
