ৰণবীৰ সিঙৰ ধুৰন্ধৰ ২ : দ্য ৰিভেঞ্জে বক্স অফিচত ইতিহাস ৰচনা কৰিছে। মুক্তিৰ ২০ দিন সম্পূৰ্ণ হোৱাৰ পিছতো ছবিখনে আধিপত্য বজাই ৰাখিছে আৰু এতিয়া সৰ্বাধিক উপাৰ্জন কৰা বলীউডৰ চলচ্চিত্ৰ হিচাপে পৰিগণিত হৈছে। উল্লেখযোগ্য যে ছবিখনে ভাৰতত বাহুবলী-২ : দ্য কনক্লুচনৰ জীৱনজোৰা সংগ্ৰহকো অতিক্ৰম কৰিছে।
সাকনিল্কৰ মতে, ছবিখনে ইয়াৰ ২০ সংখ্যক দিনত ১০.১ কোটি টকাৰ ব্যৱসায় কৰিছিল। অৱশ্যে, সপ্তাহৰ মাজভাগৰ সংগ্ৰহ হ্ৰাস পাইছে, কিন্তু তথাপিও, মুঠ ঘৰুৱা সংগ্ৰহ ১,০৩৩.৩৭ কোটি টকাত উপনীত হৈছে। এই সংখ্যাৰ সৈতে, ধুৰন্ধৰ ২-এ বাহুবলী ২-ৰ ১,০৩০.৪২ কোটি টকাৰ অভিলেখ অতিক্ৰম কৰিছে।
চলচ্চিত্ৰখনে এতিয়া পুষ্প ২: দ্য ৰুলৰ ১,২৩৪.১ কোটি টকাৰ জীৱনজোৰা সংগ্ৰহৰ দিশে আগবাঢ়িছে। ইয়াৰ পূৰ্বে ধুৰন্ধৰ ২-এ কেজিএফঃ চেপ্টাৰ ২, আৰআৰআৰ আৰু কল্কি ২৮৯৮ এডিৰ দৰে ছবিক পৰাস্ত কৰিছিল।
আদিত্য ধৰৰ দ্বাৰা পৰিচালিত এই ছবিখনত সঞ্জয় দত্ত, আৰ মাধৱন আৰু অৰ্জুন ৰামপালেও গুৰুত্বপূৰ্ণ চৰিত্ৰত অভিনয় কৰিছে। ধুৰন্ধৰ 2-ৰ নিৰন্তৰ সফলতাই ইয়াক ভাৰতীয় চলচ্চিত্ৰৰ সৰ্বশ্ৰেষ্ঠ সাফল্যৰ ভিতৰত স্থান দিছে।
হিন্দুস্থান সমাচাৰ / মনোজ কুমাৰ শইকীয়া
